مرحبااااااااااااااااااااا خواااتي
والله راسي عورني من كثر ما ادور لبس راقي حق بنتي لأول يوم عيد ،، صح انه عمرها 6 شهور بس لازم ادلعها شوي ..
ما خليت مونسون والمحلات السوريه اللي ف المراكز ما حصلت .. ومستحيل طبعا أخذ من مذركير ااو زارا أو هذي الاماكن لأن بدلهم وايد رسميه .. ابا فستان حلو فيه شغل مع حركة الراس بعد .. وين ممكن احصل .. ساعدوني حبايبي ..
هلا
اختي بتحصلينا اشياء وايد حلوه امنزلتنها التاجره دلوعة امها وايد كيوت لليهال
مامز آند بابز
من اسبوعين شايفه عندهم كم فستان صج راقيين كانها فساتين اميرات
اختي انا كنت ماخذه العيد اللي طاف لبنتي من ماماز اند باباز وكل حد سالني عنه ويا جوتي وهلهوب وكان راقي عباره عن مخمل عنابي والجوتي مخمل بعد وفصلت لها شريطه للراس مخمل وطلع فخم وحلو وهي بسم الله عليها محلتنه 
والحين بعد كنت ادور لها بس بعدني مارحت لهم وناويه امر صوبهم واخذ اذا حصلت.. بس عجبني موضوع الاخت فجر دبي عارضه عن فساتين كلاسيك وكنت ادور من هالتشكيه فالنت واتمنى احصل شي
انا من كم يوم كنت في مون سون الي في الفيسيتفال سيتي
منزلين كولكشين حلو
تحصلين الصيفي والشتوي
عيبني وااحد مخمل وااااايد حلو بس قلت حرام العيد فالصيف بتموت حر
وخذت حقها فستان صيفي وجوتي
ومنزلين للشعر شغلات حلوه بس بنتي ما اطيع البسها شيء
فما خذت لها
وين اقدر احصل ماما اند باباز في دبي انا ادل الي بابوظبي
بامبيني
محلات السلام
خذيلها لبس ماركه بيطلع احلى على البنوته وخصوصا الفساتين الناعمه بيناسبها