.gif "44 (30)")
مرحبااااا ملاااااايييين بسيدات الامارات
شحالكم ؟ عساكم بخير ؟
انا ادري اني وااااايد امقصره بهالقسم …. بس مادري احس هواية الميك اب عندي انتهت خخخخ والحين باديه افكر في التصميم من جلابيات وعبايات …. هواياتي مؤقته كل فتره اتعمق فهوايه بعدين اتركها وامشي ع الثانيه وهكذاااا دوااااليك لين مايشرف سي السيد <<<<< شو رايكم تدعوا لي ؟!
المهم
موضوعي اليوم خاص بالفاونديشنات فقط ….كل مايتعلق بفاونديشنات العرايس والمناسبات الخاصه … بخبركم عن طرقي اللي استخدمها واللي بعضها تعلمتها فدورتي مع احمد قبيسي وبعضها من النت وبعضها مكسات جربتها وضبطت … معظم الطرق يظل فيها الفاونديشن ثاااااااااااااابت مايتغير فيه شي حتى لو كنتي حاطتنه من الظهر …يظل مشرق وبراااااق . . .
طبعا
قبل مانبدأ بالفاونديشن لازم البشره تكون مهيئه من تنظيف وغيره عشان يكون الميك اب احلى واحلى
اتمنى
تستفيدوا من الموضوع كاااااااااااامل ولا حد يقاطعني لاني بكتب طرق كثيره بالصور … وماريد منكم شي الا تدعوا لاختي بالمغفره ويجعل قبرها روضه من رياض الجنه ويدخلها فسيح جناته ( أمين ) … سواء بالرد او عن ظهر قلب …والله يجعله في ميزان حسناتها
ملاحظه : لا تشااااركوا عشان تكون الطرق متسلسله وورى بعض …. واتأسف مره ثانيه على التأخير
شوشو
الاسفنجه
فرشاة الكيك فاونديشن
السوبرا كولر
اللوز باودر من كيرولاين
الستك فاونديشن
لوز باودر ذهبيه بلمعه من ماااك او شبيهتها من ميك اب فور ايفر
يتبع >>>>>>>
الدول فينيش البودره من كيرولاين
كيك فاونديشن
فاونديشنات سائله من ماك وكيرلاين وميك اب فرايفر اللي يناسبج اكثر انتي واختيارج
اللمعه اللؤلؤيه من كيرولاين
يتبع >>>>>>>>
× × × 0 فاونديشن العرايس 0 × × ×
الطريقه الأولى : تناسب تقريبا اصحاب البشره الجافه والمختلطه
( 1 )
نحط الستيك فاونديشن من كيرولاين على كاااامل الويه … وراح يعطي تغطيه لكل البقع والعيوب
وراح يكون كبيس حق الفاونديشن
( 2 )
نحط اي نوع فاونديشن انتي يناسبج على شكل نقط على كاااامل الويه …وانا افضل فيتا كولر من كيرولاين وااايد حلو ( اللي فجهة اليمين من الصوره )
( 3 )
بالاسفنجه نحاول انوزع الفاونديشن السائل بالطبطه وبرقه مو بدفاااشه او تسحيييب حتى يكون كل الويه متناسق..وتدمجيهم مع بعض
( 4 )
هذي الخطوة مهمه عشان يساعد على ثبات الفاونديشن اكبر قدر ممكن …. انا احب استخدم هاللوز باودر من كيرولاين وهي تقريبا تناسب كل البشرات … بالاسفنجه وبالطبطه اوزع كل اللوز باودر على كااامل الويه وراح يظهر اللوك المخملي للفاونديشن (:
يتبع >>>>>
( 5 )
عشان يكون الويه فيه لمعه لؤلؤيه …بالفرشاه اخذي شوي من هالبودره ومرريها على كااامل الويه بمقدار صغير مب وااايد مثل طريقة ايمان السيد اللي تابعوها ….. او … وانا افضل ان الويه مايكون فيه لمعه كبيره ممكن تستخدميها شوي على الخشم لتحديده … او تحطيها تحت العيون عشان يعطي لمعة لؤلؤيه تحت العين …طبعا اذا كان اللوك يناسب هاللون اللؤلؤي….
او ممكن تستخدمي اللوز باودر الذهبيه الحلوه من ماك او ميك اب فورايفر ..واتمرريها بالفرشاه بخفه على كامل الويه او تحطيها تحت العيووون بالفرشاه وراح يعطيييج لوووك رهيب وحلو خاصه الحنطاويات
( 6 )
نبدأ نشنغل على مكايج العيون ونحط طبعا لوز باودر تحت العين عشان تشيل المتناثر من الشادو بكل سهوله
اخر خطوه وعلى السريع بالكومباكت باودر من كيرولاين اللي اسمها دول فينيش… وعلى السريع انمررها على كامل الوجه …لانها تنظف الويه وتعطيه صفاااء ولوك مخملي صااااااافي ونظييييييييف
بعدها نحط البلشر والروج ونكون انتهينا (:
× × × × ……………….. × × × ×
هذي طريقة احمد قبيسي وتنفع لكل انواع البشرات وخاصه الجافه …الطريقه الثانيه تنفع لاصحاب البشره الدهنيه ….
ملاحظه : الماكييره ايمان السيد تستخدم نفس الطريقه … باستثناء اللوز باودر…يعني هي تسوي كل الخطوات وبعد ماتحط فاونديشن اتثبت المكياج بالكومباكت باودر…يعني تستغني عن اللوز باودر… واللي عنده السيديات بيلاحظ انها تستخدم نفس الخطوات وتقريبا نفس الماركات
تاااابعوني >>>>>
الطريقة الثانيه : تناسب البشرات الدهنيه
( 1 )
نحط الستيك فاونديشن من كيرولاين على كاااامل الويه … وراح يعطي تغطيه لكل البقع والعيوب
وراح يكون كبيس حق الفاونديشن
( 2 )
هنيه الفرق بين الطريقه الاولى والطريقه الثانيه …. نستخدم الكيك فاونديشن بدل الفاونديشنات السائله او الكريميه …. وطريقتي اللي واااايد احبها ودوووم استخدمها … اني استخدم فرشاة توزيع الفاونديشن من ماااك … ابللها بالماي وعلى الكيك فاونديشن واقعد الون الويه شرات اللوحه خخخخ …. يعني بالفرشاه امرر الكيك فاونديشن على كااامل الويه …وهذي الطريقه تقلل من ظهور الدهون واتخلي البشره متماسكه ومايزيت الويه بعد فتره … ونصيحتي للاخوات اللي يعااانوا من بشره دهنيه …. قبل لا تبدوا اتحطوا الستيك فاونديشن …يعني قبل لا تبدوا تشتغلوا وتحورفوا بويييوهكم …حطوا جل من ميك اب فور ايفر …هالجل ينحط على الاماكن اللي اتدهن شرات الخشم والخدود من فوق…وخليه لين ماتتشربه البشره … وبعدها ابدي اشتغلي على ويهج …وبتلاحظي انه الدهون قلت بنسبه كبببببببببيره هذا اذا ماختفت اصلا (:
كل الخطوات القادمه نفس اللس سويناها في الطريقه الأولى
( 3 )
هذي الخطوة مهمه عشان يساعد على ثبات الفاونديشن اكبر قدر ممكن …. انا احب استخدم هاللوز باودر من كيرولاين وهي تقريبا تناسب كل البشرات … بالاسفنجه وبالطبطه اوزع كل اللوز باودر على كااامل الويه وراح يظهر اللوك المخملي للفاونديشن (:
يتبع >>>>>>>>>
( 4 )
عشان يكون الويه فيه لمعه لؤلؤيه …بالفرشاه اخذي شوي من هالبودره ومرريها على كااامل الويه بمقدار صغير مب وااايد مثل طريقة ايمان السيد اللي تابعوها ….. او … وانا افضل ان الويه مايكون فيه لمعه كبيره ممكن تستخدميها شوي على الخشم لتحديده … او تحطيها تحت العيون عشان يعطي لمعة لؤلؤيه تحت العين …طبعا اذا كان اللوك يناسب هاللون اللؤلؤي….
او ممكن تستخدمي اللوز باودر الذهبيه الحلوه من ماك او ميك اب فورايفر ..واتمرريها بالفرشاه بخفه على كامل الويه او تحطيها تحت العيووون بالفرشاه وراح يعطيييج لوووك رهيب وحلو خاصه الحنطاويات
( 5 )
نبدأ نشنغل على مكايج العيون ونحط طبعا لوز باودر تحت العين عشان تشيل المتناثر من الشادو بكل سهوله
اخر خطوه وعلى السريع بالكومباكت باودر من كيرولاين اللي اسمها دول فينيش… وعلى السريع انمررها على كامل الوجه …لانها تنظف الويه وتعطيه صفاااء ولوك مخملي صااااااافي ونظييييييييف
بعدها نحط البلشر والروج ونكون انتهينا (:
تاااابعوني >>>>>>>