غفلتي وتوبتي ورحمة ربي الكريم! الجزء الثالث

عن خاطركم قعدت اكتب الباقي من الجزء الثالث

وهالرابطين للي ماقرن الاول والثاني

الجزء الأول

http://forum.uaewomen.net/showthread.php?t=580250

الجزء الثاني
http://forum.uaewomen.net/showthread.php?t=580430

نكمل ::

بسم الله

بعد مارديت للي سميته خالد

بديت افكر

..

هو يحبني ولا يقص علي..

انا شوقاعده اسوي في نفسي ؟!!

شو الغلط في موضوعي معاه ..

معقوله علاقتي فيه تعتبر زنا << للعلم انا كنت اشوف ان اتصالاتنا والمسن مب غلط ..!! وانه حلال ..!!

هنيه بديت افكر ..

وقلت بسوي خطه ..

طرشت له مسج

لاتطرش شي اختي بتاخذ الموبايل ..

خليته 3 ايام ..
مارد وماطرش شي ..

عقبها دقيت له
قلتله اختي خذت الموبايل

وعرفت بكل السالفه

قال لي !!

كيف وليش ومادري شو

قلتله تعال اخطبني ..

والله يابنات كنت اصيييييييييح وانا اقوله هالكلام مع انه كان كله تمثيل

بس
كنت افكر في نفسي

وفاللي صار !!

كيف جيه ..!!

بديته على الكل ..

وعطيته كل اهتمامي

في شو انا قصرت ؟!!

حتى ماكنت ارقد عشان اوعيه يدرس.. حق امتحان

كنت احافظ على انه يصلي اكثر من محافظتي على صلاتي نفسها

كنت ابدي دراستي على دراسته بس عشان يوم يتخرج يزقروني حرمة المهندس !!

المهم

عقب ماكلمته ..

قلتله ليش مابتي

قال ناا بعدني ادرس
وماكملت
واهلي مابيوافقون وانا بعدني مااعتمدت على نفسي

هني قلت في خاطري

اصحي يابنت

مستحيل ياخذج

سكرت عنه

عساس ان عادي

وخذيت لنفسي راحه اسبوع تقريبا

في هالاسبوع

كان اخوي الصغيير قاعد على لابي

وقال لي عندج وصلة بلوتوث ؟

قلتله هيه ..

قال عطيني

جرب ينزل شي عفونه من اللاب بس ماقدر

قال طرشيه عموبايلج

وعقب طرشيلي اياه بلوثوت من موبايلج

عموبايلي

قلتله اوكي

طرشته ..

وفتحتها

وطلع لي صوت عذب

من زمان ماسمعته

حرك لي احساسي ومشاعري

طرشتها له

ورحت غرفتي وقعدت اصييييييييييييح

واصييييييييييييح

انا شو سويت في نفسي ..!!

شباب ونت وخرابيط

ليش !!

اهلي وثقوا فيني

حطوا املهم في بنتهم انها ترفع راسهم

ليش احرجهم جدام الناس

ليش ادور الفضيحه بإيدي ؟!!

شوناقصني انا عن البنت الزينه ؟!!

ليش وانا فالمدرسه الكل كان يحلف بحسن اخلاقي وتربيتي

ليش اضيع كل هذا على ناس مايستاهلون دمعة امي ولا ابوي لو دروا بالموضوع !!

قررت .. واتخذت قراري باراده قويه .. والحمدلله

بديت مشوار الهدايه ..

بتسألون شو اللي كان فالموبايل وطرش لي اياه ؟!!

بقولكم اخر شي ..

بس اول بخبركم شو سويت

اول شي سويته
حذفت ايميلي كامل

وغيرت باس المسن بباس طويل عشان مااتذكره عقب

سرت عند فوني
طرشت لخالد مسج ..

وكتبت له

" انا وعدت ربي اني مااتصل لك .. ولا اتصل لاحد غيرك اذا تباني بدليك بيتنا وغير هالكلام ماعندي "

هني تم يتصل ويتصل ويتصل

وانا كانت ارادتي اني اتركه واترك النت والمسن ومااضيع نفسي .. في هالسوالف

خلاص ..

كنت توني داشه الـ22 !!

ليش احرم نفسي من لذة العباده ؟ّّ

ليش احرم نفسي من رحمة ربي .؟ !!

ليش وليش وليش وليش

اسئلة كثيره دارت في بالي ..

ومالي لقيت لها جواب ..

لاتقولون الشيطان شاطر ..

بالعكس .. انا اللي غبيه اني صدقت الشيطان

ركضت ورا اللي يدور تعاستي

ولا حتى التفت لقرءان ربي ..

الحمدلله بدايتي بعد كانت من هالمنتدى الكبير ..

كان هدفي الاول هو اني اثبت لنفسي اني قادره اني اودر هالسوالف

يمكن اختي الغافله تقولين انج ماتقدرين لانج تملين او مافي شي تسوينه

حطي في بالج

انا كنت فاليوم امل مية مره

بس عندي اراااااااااااده ..!!!

ارادتج اهم شي فيج

تحدي نفسج

تحدي شيطانج

انج قادره

والله بتكملين والله ان شاء الله بيثبتج

برجع للموضوع ..
دشيت المنتدى
وقريت عن سورة البقرة
وقريت واااااااااااااااااااااااااايد وااااااااااااااااااااايد مواضيع عن التوبه
وعن الاستغفار
وعن قيام الليل

ويزاها الله الف خير اللي تحط هالمواضيع ..

والله اني استفدت منهم وايد ..

والحمدلله ..

في تاريخ 20 6 2024

ودرت كل شي ..

بديت حياة يديده

وصفحه يديده ..

احس
الدنيا كلها ابتسمت لي

احفظوا التاريخ ..

لاني برجع له عقب ..

بديت اصلي قيام الليل وادعي ربي ان الله يعوضني عن كل اللي ودرتهم
بزوج صالح يساعد على عبادته ويستر علي ويحبني ويخاف علي

والله يابنات

اان مافي شي يغنيج عن قيام الليل

وانج تدعين ربج

وتسولفين معاه

وتتكلمين في كل شي

لاتقولين في اشيا مااقدر اقولها

كيف ماتقدرين تقولين والله اصلا يعرف كل شي عنج !!

يعرف حتى باللي ماتقدرين تقولينه

كنت حاطه في بالي جمله عشان كل مااتعايز عن الصلاه ..

اقولها في خاطري وهي :

اللي فالقبور يتمنون ركعتين .. وانا مضيعه الليل كله ..!!

لازم استغل الليل

لازم استغل العمر اللي باقي

يكفي اني ضيعت سنوات حلوة من عمري ..

على اشيا تافهه

اشيا تدور لي العذاب فالاخره

يارب ارحمني ..

واستر علي ..

ارجع لكم

باللي طرشه لي اخوي عالموبايل كان ..

سورة الحج .. للقارئ ماهر المعيقلي ..

وهذا هو الرابط للي تبا تنزلها ..

http://audio.islamweb.net/audio/inde…&audioid=88614
ضغطي عالسماعه الحمرا عشان تسمعين

وتأثرت وايد من السورة ..

وهذا اول ايه سمعتها ودخلت في قلبي الهدايه

|| يآ ايها الناس اتقوا ربكم ان زلزلة الساعة شيءُّ عظيم # يوم ترونها تذهل كل مرضعة عن ما ارضعت وتضع كل ذات حملٍ حملها ||

ااااااااااااااااااااااااااه

والله اني قعدت افكر شكلي في يوم القيامه كيف بيكون ..

كيف بواجه ربي

وفي االايه اللي عقبها

( وترى الناس سكارى وماهم بسكارى ولكن عذاب الله شديد )

يالله !!

هذي انا .. !!

هذي انا !!

انا اللي ضايعه ومنغمسه في ملذاتي

انا اللي رايحه فيها ومب حاسه بعمري ..!!

وين ابا ..؟!!

لوين ابا اوصل !!

للفضيحه

لجهنم ؟!!

يالله يارب
كيف انت كريم

احمدك يارب انك نبهتني قبل فوات الاوان
يارب

يارب .. احبك ياربي ..

كيف
الحمدلله .. يارب

الحمدلله على هالموقف اللي صار ..

الحمدلله على التوبه

الحمدلله يااااااااااااارب ..

اللهم لك الحمدلله حتى ترضى ولك الحمدلله اذا رضيت ولك الحمدلله بعد الرضى يارب ..

عقب شهر 6

يت الاجازة .. ويا التحدي ويا الشيطان ..

حطيت جدامي هدف الثبات على الهدايه ..

هدف اني مااعصي ربي ابدا

هدف اني اودر كل شي يخص الشباب

كل شي

حتى مااسولف عنهم ابدا

وبديت بأول غلطة ارتكتبها في حياتي وهي صديقات السوء ..

ودرت البنت اللي علمتني على هالسوالف ..

اصلا كنا متضاربات ..

تدرون على شو ؟!!!

على الشباب ..!!

صدق ان كل شي بداية غلط ومحتواه غلط تكون نهايته خيره للشخص ..!!

المهم ودرتها

وبديت اتجنب موبايل

صامت تحت مخدتي ..

وفالليل اقفله قبل لا ارقد

وعدت ربي اني مااقطع قيام الليل

كل يوم ادعي

كل ليله ادعي بالمغفره والتوبه

ادعي ان الله يثبتني

ويعطيني قلب خاشع ..

ويحسن خاتمتي

ياررررب ..!!

والله يابنات ان التوبة شي كبيييييييييييييير ..

تغير فظيييييييييييييع

كنت صدق ضايعه ..!!

كنت مااحس بعمري ..

يوم اسجد ادعي وادعي وادعي

كنت ادور ادعيه من هنيه

من هالمنتدى الغالي ..

ادور ادعيه وازيد عليهم بكل شي في خاطري ..!!

والله يابنات احس اني قاعده اكلم شخص جدامي ..

احس ان كل شي في خاطري كنت اقوله

كل اللي اتمناه

هذي البدايه

بس بعدين فكرت

ليش ادعي ان الله يعوضني ؟!!

ليش ؟!!

اللي سويته شويه؟!!
مب المفروض ادعي للمغفره ؟ !!

صح تبت .. بس ذنوبي راحت ؟!!

مب المفروض اطلب رضا الله عني اول ؟!!

هني خليت كل ادعيتي بس لطلب رضا الله ..

صديقييني اذا الله رضا عليج بتحصلين كل شي بدون ماتتكلمين ..

يارب ترضى عني يارب وتثبتني على دينك وطاعتك ياااااااااااااااااااااااااااااارب ..

هذي قصة هدايتي ..

اتمنى ان الغافلات يعتبرن

صدقيني ..!!

اللي يباج بيدل بيتكم !! ..

ماله داعي تعرضين نفسج على فلان وعلان عشان يحبج ولا يكفر ان يخطبج ..

خلصت بداية الهداية

فيها تفاصيل محذوفه اريد احتفظ فيها لنفسي .. ولانها بتدخل في مواضيع ثانيه ..

————–

انتظروني :

..
الاقيكم .. في الجزء الرابع والاخير ( بقصة فرحتي ورحمة ربي الكريم ) ..
+ معاها نصايح لكل الخوات .. الغافلات ..

كيف تقدرين اتودرين هالسوالف .. من خلال تجربتي .. الخاصه

ادعولي .. بالثبات ..