يا بنات عندي مقابلة في احد البنوك الاسلامية الي تعرف شو الاسئلة الي بيسألوني او تشتغل في هاي البنوك اتخبرني واتساعدني لاني محتاجة هالوظيفة من زمان ادور عليها ؟؟؟؟؟؟
الله يجزيكم خير :22 (29): :22 (29):
انا عن نفسي ماعندي فكره فالبنوك لكن اربيعتي تقول
من ضمن الاسئله اللي سألوها اذا ياها كستمر كيف تتعامل معاه
واذا تعرضت لموقف كيف تتصرف ومن هالاسئله
لكن أنا بقولج شي عزيزتي صارت عندي خبره بالمقابلات
اهم شي ماتبينيلهم انج متوتره وخايفه وثاني شي الجلسه الصحيحه
ويحبون الوحده يوم تتفلسف لكن بأسلوب ووايد ركزون ع الشخصيه
المهم حبوبه لاتزيغين من المقابله صدقيني شي عادي
وان شاءالله اللي عندهن خبر بيفيدونج..والسموحه منج .. وربي يوفقج
هلا الغلا
انا من كثر المقابلات احس جاني باسير ايلس اسولف عادي
خليج ريلاكس ولا تحركين وايد يعني اترتبين الشيله ولا تاكلين لبان ولا تحطين ريل على ريل هذا كله يبين قلة احترام لطرف اللي جدامج
أول سؤال بيكون خبرينا عن نفسج يعني قولي لهم متى اتخرجتي وشو تحبين شو هوايتج وقولي شي مميز يلفت نظرهم
وسؤالهم المعتاد ليش اخترتي البنك هذا
شوتحبين تتعاملين ويا الجماهير وله المكاتب الداخليه
وكم تتوقعين الراتب ونصيحه اتقولين اقل بس هم يعطونج على حسب مؤهلاتج
وبس كوني واثقه في اجاباتج حطي عينج بعينهم بس خلي نظرج عند خشمه بتحرونج تتطالعينهم
والسموحه