بنات انا مشكلتي اني اداوم المسا ،، وطبعا اللي عندي في الدوام شباب وتعرفون الشباب يوم يتيمعون يكونون عصابه ونحن نكون 3 او 4 في نفس القسم والشغل لازم يخلص يومي ،، وتعطيل واحد او غيابه يخلينا نتحمل الشغل عنه
ثاني شي نحن المسا ماعندنا اداره ،، فالشباب لاعبين لعبتهم
بكتبلكم النقاط اللي مضايقتني واتمنى الاقي حل للموضوع
المشلكه :
@ اثنين منهم يتاخرون عن الدوام ساعه او ساعه ونص او ساعتين
@ يطلعون بريك زقاره ربع ساعه او عشرين دقيقه تقريبا مرتين او ثلاث مرات
@بريك الصلاه يطولون يعني يمكن حول 20 دقيقه
@وطبعا اخر الدوام لازم واحد او اثنين يطلعون
@كل خميس في موظف لازم يغيب او يطلع من وقت
@ يوم يتاخرون عن الدوام مايخبروني وانا يوم اتاخر اطرش مسج للكل
وقبل خمس او 6 شهور ،، هم اشتكو عليه وطبعا كنت فيه مظلومه وانا انصدمت لانه وايد كنت شاله الشغل عنهم وساكته عن حركاتهم
والمشكله ادارتنا تعبانه ماعندنا مدير (للقسم ) فعلي كل يوم مدير يديد ..
الحين كيف احل هل مشكله
انا بخبركم شو سويت بس ماجفت في ررررد وله شي والامور مثل ماهي
انا خبرت سكرتيره المديره (الاداره )لانها صديقه لي ،، وكلمتها بالموضوع وخبرتها توصل للمديره الموضوع ،، بس عساس مب اني انا القايله ،، لاني ماحبيت اسوي حساسيه مع هل موظفين لاني اداوم معاهم وماحبيت يكون يشلون بقلبهم عليه
لاكن المووضوع زاد عن حده
اتمنى اللي عندها حل تخبرني !!
نصيحتي لجبس بدون زعل ..
الدوام أصلا مايناسبج اولا لانه مع شباب وزيادة عليه في الليل وبدون رقيب ولا عتيد يحرسج والحارس الله ..
لتقولين ظروفي ومحتاجة (من ترك شيئا لله عوضة خير منه)
لازم تغيرين وظيفتج وتخلينها في النهار ولو مايكون اختلاك فهذا احسن وافضل وطبعا مش موجود الا في اداراة واقسام قليلة ..
المهم لاضيعين نفسج ولا جهدك مع هذا الوظيفة اخر شي بتوصل للشباب ترقيه على اكتافك
انا اقول من اليوم ادورين وظيفة ثانية وقت يناسب سيدة ..
والله يوفقج الغلا
غاليتي 
للاسف دوامج مختلط
وانتي وحيدة بين الشباب
فعادي يستبعدونج ويستهينون بج
وأنا شخصيا ما أحبذ فكرة الإختلاط
ورايي من راي أختي حلم مسافر
المفروض تكلمينهم بحزم ولا تخلصين شغل حد …
خليهم يتوهقون احسن … خلصي شغلج بس …
وزين سويتي يوم كلمتي الاداريه عشان الرمسه توصل واللعبه هاي تنتهي .. والله يوفقج ~
رغم اني مااحبذ دوام المسا لكن الظروف لهآ تأثير … الله يرزقج رزق حلال ~
الله ايعينج
الله يكون بعونج
خلصي شغلج وبسسس ماعليج من حد
الغلا طبيعه الشغل هذا ما تناسبنا احنا الحريم ،،، اتركيه ،،، من ترك شيئا لله عوضه بالاخير منه
ان شاء الله تلاقين شغل مناسب وبداوم صباحي ،،،
موفقة الغلا