السلام عليكم ورحمة الله وبركاتة
حبيت اسالكم
عن
ستاير السوق الصيني !
اسعارهم
خاماتها
اتعمر ولا
و سالفة المقاسات هم اييون ولا نحن انخبرهم
الي ركبت من عندهم او شافت حد اتخبرنا حتى نستفيد
ولكم جزيل الشكر ❤
انا فصلت عندهم بس ستاير خفيفه حق الشقه يعني مش الي فيها حركات وجي
بس طلعت حلوة ونحن عطيناهم القياس بس المشكله انتي الي تركبينهم
وسعرهم زيين
فصلنا للميلس مع حركات وطرابيش وجي
وايد حلو اهم شي انتي تلبقين الاقمشة
وتختارين الموديل المناسب
عندهم الراقي وعندهم الدفش
الناس اذواق
اسعارهم حلوة سوينا ب 800 الستارة الوحدة وتختلف الاسعار حسب الموديل نحن اخترنا روماني
انتي تعطينهم القياسات
امم وكيف ناخذ القياس
مشكورات عالرد
بس
كيف اعرف المقاسات يعني اقيس الدريشه طول وعرض وبس ولا كيف
اختي انا سويت عندهم ستاير وهم الل يو ركبو لي الستاير
بس للاسف ما سوولي الخيوط اللي تكون نازلة على جنب عشان تفتحين الستارة وتسكريها بسهولة لازم امطها بايدي وصعبة ما تستوي بسرعةويوم بغيت اغسلهم مب سهلين ابداا في الفك
واقمشتهم مب لهناك لازم تلفين ساعتين وان شاء الله تحصلين قماش لونة زين كلله يا الوان فاقعة ياا مشجر وورود وخرابيط
بالمختصر انا عن نفسي ما بسوي مرة ثانية عندهم
وبالنسية للحركات والله انها دفشة لا فكتوري ولا غيره اصلا راحت موضة البراقع وقماش داخل وقماش طالع والوان وسللللطة خخخخ طلعت عن الموضوع
انا سويت عندهم ستاير و طلعت وايد حلوة والخامه بعد اوكي مرتين نزلتهم و غسلتهم وما فيهم شي و سويتها ب450 وانا متأكده محل ثاني ما يسويها بأقل من الف وشي وهم ركبوها لكن قالوا لازم انتو تييون تاخذون العمال وترجعونهم
وبالنسبه للقياس خذي قياس الشباك ارتفاع وعرض وبعد قيسي ارتفاع الستاره يعني كم تبين طولها من السقف لين الارض ولا من فوق الشباك بالضبط والعرض بعد نفس الشي (يعني تبيها بعرض الشباك بالضبط ولا تبين تزيدين العرض) حسب ذوقج وتنسيقج انتي
وبالتوفيق