السلام عليكم خواتي شحالكم
بصراحة انا خذت طريقة عمل التراميسو من ربيعتي بس بصراحة كل حد طعمها تخبل عليها وستغربو منها وقالو هي نفسها الي في الكوفي ولا بعد احلا بوااااايد وقامو يطلبونها مني وقلت بفيدكم وبخليكم تسونها وروحكم تطعمونها وتقوليولي وتردون خبر علي اذا كانت حلوه مثل ما وصفيتها ولا لا اوكي يالله خلونا ويا المقادير :بسكوت التراميسو
2 دريم ويب
2 قشطه
1 كريم كراميلا
1جبنة فيلادلفيا متوسطه
1حليب مراعي من الصغار
ملعقة صغيره نسكافيه
وبودرة كاكاو على حسب الرغبه
الطريقه :
نضع المقادير كلها في الخلاط بس ما بخلاط العصير لا خلاط الكيك ما عدا نسكافيه وعقب نخليه وتسكرين عليه عان ما يطيح فيه شي وبرع يكون مب في الثلاجه وعقب تبين استكانت شاي وتحطين ملعقه صغيره من النسكافيه في الاستكانه وماي حلو وياه وتخلطينه وبعدين تيبين صحن شوي غزير وجبينه فيه وعقب تيبين البايريكس وتبين الباسكوت والبسكوت في ناحية شكر ونحايه ما فيها شكر انتي تحاولين تخلين وضع البسكوت في النسكافيه شرت الطبع من الناحية الي ما فيها شكر وتصفينه في البايريكس وعلى هذا االحال خلصتي من طبقة البسكوت الاولي الحين تيبين المقادير الي خلطيها وتصبيها فوقها بس النص وعقب تعيدين وضع البسكوت مره ثانيه بنفس الطريقه وتردين تحطين الخليط وعقب تحطينها في الثلاجه لمدة 24 ساعه وعقب يوم طلعينها تبين المشخل وتشخلين الكاكاو البودرة فيها واي كاكو تبين جان جلكسي ولا كادبري
بالصحة والعافيه عليكم حبايبي
مشكورة بس شو هو بسكوت التيراميسو؟
مشكووورة على الوصفة
مشكورين على مروركم
هلا اختي بنت المها بسكوت التراميسو سيري عند اي مطحنه ولا سوبرمارك وساليهم عن بسكوت التراميسو وبيعطونج ياه لانه مخصص حق التراميسو وهو يكون عباره عن اصابع جهة تكون بسكر وجه تكون خاليه من السكر وتكون بالاماره كيسه لونه برتقالي .
وانشالله اكون فاديتج
وبالهنا والشفاء
وانشالله تسوينها وتقوليلي رايج
تسلمين الغلا
بس مافهمت شرحج لبسكوت التراميسو
اللي اعرفه بالكيك يسوونه !!
لا حبيبتي شي بسكوت التراميسو حتى ليش دخلينه 24 ساعه في الثلاجه لانه هاذا البسكوت يستوي جنه كيك حتى اي حد يطعمه موول ما يصدق انه بسكوت هذا ينباع تعرفين اختي احسن شي اصورلكم ياه عشان تعرفونه اكثر ومشكوره اختي دلوعة زوجي على مرورج وانشالله احاول اليوم ايبلج البسكوت وحطليج صورته
وانشالله جربينها بجوفين كل الي بيطعمها بيدعيلج لانه روووووعه
مشكورة أختي ع الوصفة 
وبسكوت التراميسو اسمه lady finger