هلا بنووووتااات شخباركن عساكن الا بخيييييييييييييييير
عدنا مع حشرة طالبة جامعية .gif "12 (77)")
واليكم المشكلة : 
قبل ما اعرس كانت معودتنا ماماتي انا ما نتعود على الخدامة في اي شي مع انه كان عندنا 2 ,, وكانت
تخليني اخم وارتب واغسل ووكل شي عشان ما يشتكي مني ريلي المستقبلي 
المشكلة ان الكل كان يقول ان ( طالبة جامعية ) بتستوي حرمة بيت 100% وما بتخلي الريال يحتاج لأي شي وبيتها بيلمع
الظاهر اني انحسدت ,, من عرست وانا مووووووووووووووووووووول ما نظفت البيت الا يمكن 5 مرات ,, وبباقي المرات كان ريلي اييب بشكارة من البشاكير اللي يشتغلن في بيت اهله وهي اللي تنظف كل شي ,,
والله اني وايد اغار من هالخدامة اقول يعني هي في شووووو احسن عني ؟؟؟؟؟؟؟؟؟؟؟؟ ليش انا ما اقدر اهتم ببيتي بروحي ؟؟؟
المشكلة يا بنات او ( الحجة ) اللي عندي ان انا اداوم في الجامعة واخلص تقريبا الساعة 5 ,, مرات ارد البيت ارقد وانش في الليل اذاكر عقب ارد ارقد ,, ومرات اخلص دوام واظهر ويا ريلي لين الساعة 12 او 1 في الليل ,, هيه صح وشي يومين في الاسبوع دوامي يبدأ الظهر عالساعة 2 ,, فما اكون معذورة ولا يكون عندي حجة اني ما رتبت بيتي ( بس انش اسويلي ريوق وايلس اطالع التلفزيون واذاكر ليييييييين ما يقرب موعد الكلاس ,, وفي الاجازات انش متأخر وياا دووب اتسبح واتزهب عشان الطلعة سواء بنسير بيت الاهل او بنسير نتمشى مكان .,.,
انا وايد مضايجة من نفسي واحس اني لو نشيت من وقت مثلا على الساعة 10 الصبح ونظفت البيت لين 12 ما بيستوي فيني شي !! بس والله هالكسل مادري من شوووو !!
وزاد الطين بلة اني حملت الحين وزاااااااااااااد الكسل ,, مرات اشوف ريلي هو ساعات اللي يرتب البيت وتجيييييييييسني غصصصصصصصصصصة من الخاطر
وغير جي يا بنات انا ما اعرف اطبخ ولا احب الطبخ كيف احب هالاشياء ؟؟ كيف اسوي الاشياء اللي مفروض ايييييييييي حرمة تسويييها ؟؟
بنااات انصحوووووووني شووووووووو اسووي؟؟؟ كيف اكون متحمسة مثل قبل ؟؟؟
الله يعينج اختي
صج ترا الرقاد حلو و نشة الصبح مؤرفه بس لازم تضغطين على عمرج ف الويك اند و تقومين تنظفين و ترتبين
الحين انتي ما عندج بيبات كيف عقب ❊❊ خخ
يالله تلحلحي و اغدي حرمه هههه
اول ما تنتبهين الصبح لا تفكرين وايد قومي على طووووول
لو تميتي تفكرين الا بنام شوي او عقب برتب بتتعبين نفسيتج ولا بتقومين
فالاحسن انج تفزين على طووول
الله يوفقج
المشاركة الأصلية كتبت بواسطة غــلاوي 
صج ترا الرقاد حلو و نشة الصبح مؤرفه بس لازم تضغطين على عمرج ف الويك اند و تقومين تنظفين و ترتبين
الحين انتي ما عندج بيبات كيف عقب ❊❊ خخ
يالله تلحلحي و اغدي حرمه هههه
اول ما تنتبهين الصبح لا تفكرين وايد قومي على طووووول
لو تميتي تفكرين الا بنام شوي او عقب برتب بتتعبين نفسيتج ولا بتقومين
فالاحسن انج تفزين على طووول
الله يوفقج
كل كلمة قلتييها صح فديييتج وخاااصة ( اتلحلحي واغدي حرمة ) << اخاف للحين اتحرى عمري نونو
مشكووووووووووووووووورة على مرورج الحلو وكلامج الاحلى
شوفي اختي انا من عرست و انا بدون بشكاره و الحمدلله حملت وولدت اكثر من مره و بعد كنت بدون بشكاره .. بقول لج سر من اسراري .. تراني كسلانه و احب الرقاد .. وعشان جي ارقد طول النهار لين الظهر و بعدين ما اضغط على نفسي اسوي الشغل شوي شوي .. يعني المهم عندي ان الأماكن الي نستخدمها كل يوم تكون مرتبه و نظيفه مثلا الصاله اتخمينها و تمسحين الغبار و انتي ماشيه .. و غرف النوم بس رتبي الفراش و مشي الغبار .. مب لازم تنخم كل يوم خاصه ان انتي بعدج ما عندج نونو الله يسهل عليج .. و كرمتي الحمام بس اغسلي المغسل و المرحاض و البانيو .. الأرضيه مب لازم كل يوم تغسلينها .. و الله يوفقج ..
همسه .. ترا الريال ما يحب يشوف بيته و صخ و مكانه مب مرتب حتى لو اتظاهر ان هالشي عادي بس من داخله ما يكون مرتاح .. يعني نبغي شوية نشاط و حيويه ..
المشاركة الأصلية كتبت بواسطة ام الملائكه همسه .. ترا الريال ما يحب يشوف بيته و صخ و مكانه مب مرتب حتى لو اتظاهر ان هالشي عادي بس من داخله ما يكون مرتاح .. يعني نبغي شوية نشاط و حيويه ..
صح والله انا احس من نظرات ريلي << اخاف يتحراني انا جي ما احب النظافة خخخخ والله انا مب جي
ورح احاول اسوي اللي قلتيه والله يعيني على هالكسل
فديييتج مشكوووووووووووووووووووووووووووووورة على ردج الطيب وعلى كشف اسرارج في التنظيييف خخخ ,,
ربي ايوفقج
وما قصرن البنات
المشاركة الأصلية كتبت بواسطة دهن_العود وما قصرن البنات
ويوفقج يالغلااااا
مشكورة على طلتج الغاوية