ضروري لبنات جامعة عجمان – فرع الفجيرة

السلام عليكم ورحممةالله وبركاته

شو اخبااركن بناتات ان شاءالله تمام مثلي

المهممم بدش ف المووضوع دووغري

انا ان شاءالله بسجل في جامعة عجمان

ف عندي كم سؤال وكم استفساار

متى اقدر اروح اسجل للكورس الياي ؟

وكم المبلغ تقريبا للتسجيل , وهل اقدر اروح هالفتره اسأل وجي عشان اعرف اكثر عن الجامعة ؟

اناا صرااحه جدا جدا جداا محتاره بين تخصص القانون والاعلام

الاثنين احبهم والاثنين بفلح فيهم

بس ابا اعرف الي دارسين او يدرسون قانون : هل هو سهل صعب او وسط , وهل هو دسم للغاية؟ ولاا مقدور عليه
والدكاترة وجي كيف نظامهم , انا ابا ادش ف هالمواد القانونية واباا اتعلمها اكثر ,

والي دارسين اعلام -علاقات عامة
كيف جو المواد شو يدرسون بالضبط وهل هو سهل وهل هو عملي اكثر او نظري ,؟
وهل يباله توفل مادري ايلس مثل ماسمعت ؟

وابغي اعرف هل في فاونديشن ؟ -_- ولا كيف

لاني صراحه كنت ادرس ف جامعة الامارات فماعرف شو الترتيب بالضبط

* مب شرط لي في فرع الفجيرة يجاوبون اي حد يدرس ف الجامعه ^^

والسمووحه طووولت

: (

…………………………؟؟ ماحيدكم بارددينن

مرحبا اختي ..

انا بعد ان شاء الله بسجل ..
بقولج الترتيب حبه حبه هههههه

1- انا كنت ادرس ف تقنيه الشارجه ووقفت قالو لي لازم ايب درجاتي عسبت يعادلون الموااد .. يعني عسبت ما ارجع ادرسها واخطف متطلبات الجامعه ..

2- يبون الايلس للاعلام اكاديمك الباند 4 او توفل 450

3- التسجيل مفتوح حاليا ويبون 1450 رسوم التسجيل و الفحص الطبي وهالمبلغ ما بيردونه لج لو ما انقبلتي لا سمح الله و 500 درهم رسوم تعديل المواد وهاي تنحسب لج من ضمن الفلوس اللي بتدفعينها كمقدم لفتح السستم لهم ..

يوم تنقبلين تدفعين 3000 درهم من رسوم الكورس وال500 اللي فوق بتعتبر منهم ف بتدفعين 2500 درهم

مسموح لج المواد من 3-6 فالكورس الواحد
وفالاعلام سعر الماده 2700 درهم

يعني لو 6 مواد × 2700 = 16200 درهم سعر الكورس الواحد ..

والسموحه فديتج عالقصور واذا عندج أي سوال حيآج الله راسليني عالخآص

uppp
upppppp
uppppppppp

اختي انا متخرجه من جامعة عجمان تخصصي اعلام وعلاقة عامه تخصص حلو وانا قبل كنت مب اجتماعيه وابوي اختار لي هتخصص ولله الحمد احلا تخصص بس لازم الدكاتره يعرفونج لانهم يسيرون ع المنحنا اذا انتي من النوع تيلسين فالكراسي وراى ولا عمرج بتجيبين بمعدل امتياز يعني اقعدي قدام وشاركي الدكتور وانا كنت في الفرع الرئيسي للجامعه كانت الدراسه حلوه وبعد فاتحين قناة افاق وكان وايد حلو

بس اعرف وحده اخت اربيعتي دارسه قانون قالت وايد حلو

اخبرج حبيبتي انا صارلي سنتين وهسنه الثالثه من تخرجة ولا حصلت وظيفه يقولون صعب للمواطنين هالمجال يمكن بعد 4سنوات يكون متاح لج بس

وربي يوفقمك انتم الاثنين

ادعولي اتوظف

بالتوفيق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.