المقادير
صدور الدجاج انا شاريته من كارفور عجيب تشوفينه بجيس مثلج فيه 7 قطع صدور بس كبار راهين انتاج اماراتي
تتبلينه بعصير ليمون مع خل و3 فصوص ثوم وملح وفلفل اسود وزيت زيتون وقفشه دقوس بوديج وخليه ساعتين منقع
علبه مشروم مقطع
بصله مفرومه
نص علبه اواقل من كريمه كي دي دي
والسر بالنكهه الحلوه جيس بورده صوص الدجاج بالمشروم والليمون تحصلينه بستي سنتر نفس جياس شوربه ماجي
بس صناعته انجليزيه سعره تقريبا ب750 تشوفين منه عده نكهات شي حق الخضار وشي لحم انتي اخذي مالت الدياي
الطريقه
تشيلين الدياي من التتبيله واذا حبيتي رشي عليها شويه زعتر واشويها على الشوايه الي عندج بعدين صفيها بصينيه الفرن
الصلصه
اخذي البصل وحمسيه بزيت يمكن قفشتين كافي لاتكثرين لما يحمر البصل حطي عليه الفطر وحطي عليه فلفل احمر بودر اذا تحبين النكهه الحاره
اللحين تاخذين بودره صلصه الدياي وتذوبينه بكوب ونص ماي مع ربع اونص علبه الكريمه حسب ذوقج
بعد ماتذوبينها صبيها على المشورم وخليها تغلي عالنار
بعدها صبي الخلطه فوق صينيه الدياي وبالفرن خليهم مابين ربع الى ثلث ساعه لما تتشرب الصلصه
وقدميها بالعافيه مع الخضار والبطاط والي تحب مع العيش هم لذيذه
بالتووووووووووووووووووووفيق
يمي يمي
الله يعطيج العافيه
الاكلة وايد شهية
بس اختي انا حابة انبهج ان ماركة كي دي دي دينماركيه (حسبي الله عليهم)
روووووووووعه وان شاء الله بجربها
بس أختيه لو تستعملين صدور دياااااي الرووضه أحسن
تسلمووون على الردود
وخواتي الي تقول كيدي دي شركه دنماركيه
لاياقلبي شركه كويتيه
ولو انها دنماركيه جان منعوها بالكويت
يمي يمي روووووووووعه شكله شهي والله
شكرا اختي