مثل ما قريتو في العنوان
منو تعرف او مشاركه في مركز يحضر و يوصل الاكل في دبي؟؟؟؟
و شو اسعارهم؟؟؟؟
انا اعرف مركز اسمه لايفلي Lively
شفت اعلانهم بس ماعرف الاسعار
و عندهم فرع في ديره و في بر دبي
يلا خبرونا شو من المراكز الموجوده في دبي؟؟؟؟؟
في انتظاركم
(^_^)
للرفع
هلا الغاليه
لايفلي عندهم موقع ممكن تدخلينه وتشوفين الوجبات واضني الاسعار
عندج بعد الرايت بايت بعد نفس لايفلي
بس انا الصراحه عن تجربه انصح انه الوحده اتسوي اكلها في البيت وتاكله لانه هم ما عندهم شي زود يعني وبتدفعين فلوووس وتخسرين اشحقه يعني خبز وجبن ولا تسوين الاكل بدهن خفيف هوه الشي الوحيد الحلو المتابعه وهالاماكن ينفعن للبنات الي ما يقدرون ايسوين اكلهم في البيت والسموحه
ممكن تعطوتي موقعهم … ؟
ويزاكم الله خير 
صدقها غزالة -دبي
الافضل اني اسوي اكلي روحي لان ما بيطلع ربع اللي بدفعه لهم
اسير اسبوعيا الجمعية واخذ من اكل الدايت (توست جبن لبنه كورن فلكس فواكه عصاير حليب وروب ولبن قليل او منزوع الدسم وفي بسكويت للدايت ناوية اجربه انش اء الله )
وبعدين الحركة حلوة انج تنشين وتسوين اكلج بنفسج ع الاقل بتسوين شي تحبينه مب شي يبونه وما يعيبج
وموفقه
السلام عليكم …………………
انا مع غزالة دبى حق شو الخساير ,سوي انت في البيت احسن……………
شكرا خواتي
بس انا سألت سؤال ووصلتني نصايح (^^)
انا اعرف انه اغلى اذا كلت من عندهم
و اعرف ان هالمراكز حق اللي يداومون
يوم كنت اداوم من 8 لين 5 و احيانا 6 طبعا ماكنت اقدر اطبخ لاني في الدوام معظم اليوم
و الحينه انا ساكنه في بيت اهل الزوج
بس الظروف ما تسمح اني اطبخ لي اكلي الخاص و اتبع رجيم
من غير ان عمتيه تحشيني اكل جني بطه هههههههه (عيالها ما ياكلون فالاكل دوم زياده عن الحاجه الله يهديهم فتلجأ لي انا اني اكل مادري ليييييييش!!!!!)
هههههه ادري انه شي غريب
عالعموم شكرا لنصايحكم
و الموضوع هذا مب شرط يفيدني انا ممكن يفيد اللي يداومن دوامات طويله
مب كل الناس اترد البيت الساعه 2
(^^)