سلام عليكم
هايم قلبي بحب ام عظيمه
كلما اذكرها ازداد و نات
لي ذكرت آنا فعايلها الكثيره
اقعد ابكي و الله اشتات واشتات
كيف بوفي بحقج انتي يا كريمه
يادفى يااحساس يا عذب السمات
كثر ما ضحت ما ضحت عشيره
وكثر ما عانت ماعانت اموات
انتي ياللي نور قلبج استضيبه
و انتي شوفج يشفي علات وعلات
و انتي ياللي ربي خل طاعتج فريضه
و انتي يا امي بتحتويج جنات
يا ذهب يا الماس يا امي الحنونه
يابريق الشمس يا احلى لمعات
لي هل وجهج صارت الدنيا وليعه
و لي غبت عني ذرفت العين دمعات
ادعي ربي انه يعطيني الوسيله
لجل اوفي بحقج و ادري انه هيهات
لان امي يوم تعطي كلها طيبه
و لما تضحك تتفتح بذا الكون و ردات
ربي خلها حقي و حق الخليقه
و تهدني ربي بفعل الصالحات
حتى اسعد امي الغاليه العظيمه
و ما اقصر لجلها بالواجبات
ْ ْ..الموضوع ..ْ ْ(الموضوع مب شخصي اتكلم بشكل عام والواقع الي انشوفه )..ْ ْ
امي شلتني 9 شهور عقب شافت الويل عسب انا اوصل ع هذي الدنيا وطلقت وولدت .. منو كان عندج يا امي وانتي بالغربه اتعنيتي وربيتي ومحد عندج يساعدج تسهر امي عسب ترعاني وتكبرني .
امي ماكانت تستحي يوم كنت اصغيره توديني وتيبني ,,
لكن واقع الحين >> البنت تستحي تطلع ويا امها عسب بيعايرونها باسم ( بنت ,,,,,,,,,) ليش شو ذنبي انا جي تزقروني !!
وبالاخير يوصل عمري 30 ومازوج لانه امي (,,,,,,) >> بس هاذي امي تعبت علي وتعتبر شرات اي ام ليش امي تتعاير وانا اتعاير بنت (,,,,,,,,,) ..
بصراحه انا اعرف بنات وايد ماعرسن عسب امهم .. صراحه مب سبب رئيسي ..
هذي الام شرات اي ام ,, وبالعكس هاي الام غير تحملت مسؤوليه بيت وريال وعيال بالغربه (بعيده عن اهلها ) !!
شو رايك بنات
رجااء مانبا تجريح فالموضوع .. ولا ضرابه ..
دمتم بحففظ المولى ^^
اقصد الي امهم وافده ,, عربيه او غير عربيه
الله يخليها لج
يوم الحساب ما بيقولون بنت المواطنه تقدمي وبنت الوافده اخري
لا غناتي بيشوفون الام شو سوت لتربية عيالها والعيال شو سووا علشان يبرون والدينهم
الاصل والفصل هناك ماله مكان
افتخري بامج وحطيها تاج على راسج واصبحي وامسي وانتي تحبين ريولها ترى الام ما تتعوض
سمحيلي الغاليه
صراحه مافهمت شو المقصود ؟؟؟
ما فهمت علييج ..!!
شنو يعني (……..)..مطلقه قصدج..؟؟؟
اذا قصدج مطلقه ما فيها شي و لا هو عيب او حرااام 2 ما تفاهمون و لا تفقون مع بعض..و الله ما كتب لهم يكملون مع بعض..و هذا نصيبهم .
شو ذنبها عسب البنت تستحي من امها..لا حول و لا قوه الا بالله معقوله فيه حد يفكر بهااي الطريقه..الله يهدي ان شاء الله.
اهااا اختي تقصدين بنت الوافده ….؟؟
اللي ييسر امرهن ويرزقهن من حيث لايحتسبن ….
والرزق بيد الخالق مو بيد الناس …..
الله يسعدهن ويعلي مراتبهن في الدنيا والاخره
وصراحه مااشوف فيها شي بنت وافده ولا مواطنه يعني بنت الوافده اكيد ابوها بيكون مواطن واللي امها وابوها وافدين اللي ييسرله الرزق ان شاء الله
بس معقول في بنات ماتزوجوا علشانهن بنات وافدات !!!!!!!!!!!!
دلع الدلوعه
البنت تقصد اذا امها كانت مب مواطنه ليش الناس تنظر لها نظرة غير عن بنت المواطنه..
الله يوفقج صاحبة الموضوع ,.
اختي الحين انا مادريت انتي قصدك بنت الوافده ولا المطلقه ؟؟؟