بسم الله
خواتي انا متزوجه و عني 3 عيال و لي سنين طويله بدون خدامة
ممكن اييب خدامة بالساعه لما اتعب و اضطر
و احول استفيد من اﻻجهزة المنزليه و اعوض نفسي عن الخدامه
مثلا في مكنسه اضافيه صغيره تنشحن عشان اسرع و اخف و ما احتاج المكنسه العودة للاشياء البسيطه
كوايه بخار و اشياء غيرها تساعدني و تسهل عليي حياتي
فشو رايكم بغسالة الصحون؟
منو جربتها ؟
تشجعوني اييبها او ﻻ ؟
بتساعدني و بتخفف عني غسيل الصحون و إلا نفس التعب و الجهد ؟
و لكن جزيل الشكر و جزاكن الله خير
انا ماجربتها بس احس انها زينه
مشكوره ميميه 88 عالرد
انا بعد احسن انها مفيده
بس في وحده خبرتني انه ﻻزم تشيلين كل شي من على الصحن البواقي قصدي
فاكأنج غسلتيه شو باقي بعد
و انه لو ما حطيتي الصحون و الجلاصات بطريقه صحيحه ما تنظف يتم وسخ
مب متأكده بس ابي وحده عن خبره تفيدني
انا عندي غسالة صحون LG من 3 سنين تقريبا
الغسالة سهله ومايبالها شي او تعب
هو مجرد مع تكرار الاستخدام بتعرفين كيف تترسين الغسالة وترتبين الاشيا فيها عدل
بالنسبة للصحون، مب انج تشلين كل شي بالتمام من الصحن .. لا يعني لو مثلا البايركس دخلتيه الفرن وفيه بواقي متيبسه عليه: هذا الافضل تنقعينه ف ماي وعقب ماتلين الاشيا اتدخلينه الغساله.
الصراحه انا انصح فالغسالة .. حتى الجدور احطهم فيها بس طبعا مب الجدول اللي وااااااااايد كبار .. انا اتكلم عن استخدام عايله صغيره
متابعه
انا بعد ابا اعرف لاني ناويه اخذ وحده وابا اعرف اذا فعلا تفيد او مجرد تضييع وقت
هيه بتفيدج وايد واولهم ايدج ما بتتقطع من الغسيل والمواعين بتتعقم عندي يهال
اللي عندي سامسونج
كل ما عليج تنظفين الصحن من البواقي يعني اذا فيه عيش بس ييبي كلينكس ومسحيه وحطيه في الغسالة مب تغسلينه الغسالة بتشوف شغلها
لما تسيرين السوق بيعطيج المواصفات كل مرة مزايا يديده وحلوه
مشكورين خواتي على مشاركتي تجاربكم
استفدت وايد و بصراحه تشجعت
افكر بعروض اللي بالكارفور بشوف غسالة صحون LG
و بدور بعد على تقسيط لو امكن من محلات ثانيه شرط نفس الشركة