السلام عليكم و رحمة الله تعالى و بركاته
اخباركن كروشات! ؟
حبيباتي انا في الاسبوع 37
و في الاسبوع 35 نزلي دم و رحت الطواري على طول و قالت لي هذا شي طبيعي لأن الرحم اتبطل و أن شاء الله ولادتج تكون قريبة
عدا الاسبوع ال 36 على خير و الحين الاسبوع 37
و الرحم مثل ما هو بس فاتح 1 سم
تعبت وايد ظهري ما قام يشلني من الثقل و السكر مرة يرتفع و مرة ينزل ابي اربي
شو الحل!!؟؟!!
جربت كف مريم و الينسون و المشي كل يوم امشي و اسبح بماي دافي و البابونج و لا شي نفعني سبحان الله
الي جربت شي و فادها تخبرني😢😢😢
ما شاء الله الرحم فاتح بس صبري للأسبوع 38 تكون الرئة اكتملت ووزنه اوكيه
اذا ما عندج مشاكل ومر اسبوع 38 بخبرج
بس الحين عليج بالمشي مب حتى تربين حتى تسهل عليج الولاده وعضلات الريل تكون قوية
بتربين يوم الله بيكتبلج امشي وكلي تمر
مابيي البيبي قبل يومه تحملي مابجيلج شي الله يسهل عليج وان شاءالله تربين بالسلامه
حبيباتي تسلموا عالرد
ليش ورد للحين ما اكتملت الرئة!!؟؟
عيل كيف الي يولدون بأول التاسع😮
تكتمل فالاسبوع 33 انا مربيه فالثامن وكانت مكتمله التاسع بس يزيد وزن البيبي والطول بعد
المشاركة الأصلية كتبت بواسطة عفاري الحلا 
ليش ورد للحين ما اكتملت الرئة!!؟؟
عيل كيف الي يولدون بأول التاسع��
انا ولاداتي كلها في اول التاسع جسمي جيه لكن واحد من أولادي عنده فتحه في القلب والثاني اظافره كانت لازقه باللحم ما كانت مكتمله ولما يتنفس عنده صوت بالخشم سووله فحوصات وحطوه كمن يوم في الحضانه أوزانهم كيلوين وشوي
لكن وحده من الاهل ربت اول التاسع لكن الدكتوره على حساب السونار قالت انها في الثامن صار حمل متأخر والرئة ما كانت مكتمله وحطوا الياهل في الحضانه اسبوع وطلعوه
فمب دوم والوحده ما تحاول غصب تولد اذا ياتها آلام الولاده مكتوب لها تولد ما ياتها لا تعذب عمرها فكل جسم غير عن الثاني واصبري اتحملتي ثمان شهور تحمل كمن يوم
المشاركة الأصلية كتبت بواسطة ام عبييد مب دوم يا ام عبيد فيه حريم يصير لهم حمل متأخر
وبعض حالات اللي عندهم سكر الحمل يبين الياهل اكبر من عمره فأصابع ايدج مب سوا