شو إجراءات تحويل فايل الحمل من مستشفى الوصل لمستشفى دبي؟؟

أنا حابة أحول فايلي من مستشفى الوصل لمستشفى دبي، عبيت استمارة التحويل من من مستشفى الوصل ووافقوا على تحويل الفايل

عقب اتصلت فمستشفى دبي أبغي أخذ موعد ألتراساوند بس قالولي لازم تاخذيه من العيادة الخارجية اللي تراجعين عندهم

رحت العيادة الخارجية فموعدي وقلت للدكتورة حولي الفايل مالي قالت لي ولا ما يصير أنا ما أقدر أعطيج موعد ف دبي، روحي سوي الأشعة فالوصل، قلت لها فايلي مب الوصل، قالت لي ما عندي لج حل، وتمت تتنازع أونه قلبج بارد انتي ف الشهر الخامس وللحين ما سويتي الأشعة وقبل عندج بيبي متوفي، قهرررررررررتني وأنا أول ما دشيت الرابع على طووول فتحت الفايل وسويت التحاليل، شكلي بروح أفتح لي ملف ف ويلكير واريح عمري من عوار الراس.

منو ممكــــــــن تفيدني شو أسوي بالضبط؟؟

الحين ف الشهـــر الخامس وللحين مب قادرة أحصل حل، مع إني من أول الشهر الرابع وأنا أتابع موضوع الفايل لكن للأسف ما وصلت لنتيجة، ولا أعرف فايلي وين الحين بالضبط.

بانتظار ردودكـــــــــــم.

للرفع