شو أحسن طريقة علشان الوحده تضعف

بنات قولوا تجاربكن…

شو احسن طريقة فادتج وخسرتي فيها كمن كيلوا..

ومنو منكن جرب الحميات اللي في المراكز الصحيه

اللي يقولون فيها ان الواحد يخسر من 8 الى 12 كيلو في الشهر الواحد؟

أو من اللي جرب القهوة أو الشاي اللي يضعف أو يمنع الشهيه..

قولوا تجاربكن وكم كيلو خسرتوا في كل تجربة..

لكن كل الود

اانا بقول تجربتي وامري لله
انا بالعادة ما امتن الحمدلله الا لما احمل واربي
ومع الرضاعة ينزل وزني تدريجيا
بس المرة الاخيرة ما طاع ينزل وزني
سرت مركز الدكتور نيوترشن والحمدلله استفدت
طبعا مع المشي المستمر يوم وترك يعني ما ينفع التزم بالدايت بدون رياضة ومشي
خلكم نشيطات مثلي
خسرت ولله الحمد 12 كيلو الحمدلله نعمه وما ابغي انزل اكثر يختي العقل نعمه
وزني الحين في الستين ولله الحمد جين جين على قولة الهنود << مع هز راس

ما نفعني غير المشي كل يوم امشي 10 كيلو ( مشي سريع ) وما اكل غير سلطات وفواكه وسوائل ( شوربات وعصاير وماي) ولله الحمد نزلت واااااااااااايد واستويت من دبه ( متينه ) الى رشيقه المقام والكل استغرب
وما طولت خذت تقريبا شهرين

بخبرج تجربتيه …
انا حليلي قبل سنة تقريباً ياني الجدري وزعلت هههههههههه وكرهت عمري المهم وكنت احاتي البقع فمن الحزن ما كنت اشتهي العيشه ….

عادا الله يسلمج تمييت ما أشتهي شي غير الخضرا يعني التفاح والبرتقال والكمثره وبسسسس وحتى اذكر اني كنت ما اتحرك أبد ولا أظهر من البيت وكله راقده …ومع هذا كله نزل وزني خلال اسبوعين ونص 6 كيلوو "لاني قمت عآخر الايام آكل من الكفتيييريااا "

انا بقولج تجاربي مع الرجيم ..

اول شي كنت ماطييع اكل حبوووب اللي مثل ماجوفينها منتشره في كل مكاان الحين وكاان وزني 97

المهم مع مرووووور الحياه فكرت اني اتبع كذا رجيم اللي من النت واللي من ربيعاتي ومراااات اتبع مع ختيه كانت اتسوي رجيم عياده مكه ..

ماتحملت امسك الرجيم ..

وكنت امشي مع بنت خالتيه مشي كل يوم نص ساعه لين مازادت الساعات وصلت 3 ساعات مرات نمشي والكل يوم يسير معانا يرجع لان مايتحمل طبعاا انا الرشيقه اتعودت في هذا الوفت ماكنت اسوي رجيم بس حاطه في بالي اني انا وايد خفيت وقمت كل ماجوووف الميزان انصدم اني نازله المهم نزل وزني 86 حلووو صح ..

ومن بعدها سافرت المانيا وكملت اربع شهووور وخلال الاربع شهوور هاي كنت اضعف تتدريجيا لان الجو يساعد واكتشااف الاماكن تساعد انج تمشين مع ان الاكل ابد ماقصرت فيه كنت اجرب كل شي هنااااك وتميت اخف اخف اتصدقين قبل ارجع بوظبي جفت الميزان انصقت لااااااااااااااا ماتخيل وااااااااااااااااااااااااو

تتخيلين من 97 الى 78 لا ماااااااااصدق وهاي النتجه كلها من المشي

وعقب الايام مرت والزماااااااااااان راح وزاد وزني ووصل 88 سرت عياده نيوترشن يووم كاتبين في اللوحه تخسرين من 6 الى 12 كليو في الشهر .. قلت ابدا ماشي غير اني اشترك فيه ..

وياليييييييييييييييييييييييت ماشتركت والله اني ندمااااااااااااااانه ع قد شعر راسي ..

المهم اشتركت وتبعت الرجيم المتعب الكريه اللي ماقدرت اتحمله لوع الله بجبدهم ..

ونزلت عليه من 88 لين 82 ماقدرت اتحمل اتعرفين ليش
لان شعري طااااح واااايد وخف بشكل ملحوووظ

وبعدين رجيم نيترشن رجيم كيميائي مادري شو اسمه ..

تتدرين بالمفاجأه ان نيترشن رد وزني دبل الحين وصل98 ومحد يصدق غير اللي جربه لان نيزترشن احتفظ بوزني لكن رده بشكل بطيء كيف ؟ ان جسمي كل يوم عن يوم ينتفخ ..

عاد الحين قلت لاااااااااااااااااااااااااا للبدانه ومعا الى الرشاقه ..

طبعا سرت عند دكتوره في عياده كوزمسيرج وعطتني رجيم والحمدلله وااايد اجوفه اووووكيه لان كل شي موفر ك بدايه وخلال 10 ايااام ينزل وزنج 3 الى 5

وقالت لاتاكلين اي حبوب بجووووف جسمج ينزل ولا ؟؟

واذا حابه الجدول بعطيييج ..

وخذي نصيحه :

لا تغرج اللوح جوفي اول شي شو نوعه وشو اكله لان جدول نيترشن جدول مايغيرونه ..

وتمي شربي ماي وااااااايد لانه يشبع وينزل وزنج

انا كان وزني 109 المهم نويت اسوي رجيم لاول مرة في حياتي سويت رجيم لمدة شهرين بس ونزلت 20 كيلووو لين 89 والكل انصدم من شكلي لانه تغير واااايد وتم ينزل لين 85 استانست وحافظت على وزني لمدة سنة بس بعدها عرست وبعد ينزل وزني عااادي بس اول ماسقطت بولد وسويت عملية وتمينت آخذ فيتامينات تغيرت الهرمونات في جسنمي ورديت لنفس الوزن الاولي والحين بادية اسوي رجيم ويا البنات لين العيد الاضحى وانشالله اوصل للوزن اللي انا ابااااه

وكان رجيمي اخف الاكل يعني ريوق ملعقتين الغدا ملعقتين والعشا ملعقتين وآكل فواكه بكل انواعهاااا