هلا خواتي بصراحه انا تعبت من التفكير ومن حياتي اللي مرت علي وابغي ارتاح
وانا ما احب اشتكي لحد قريب مني لانه حتى لو مر الموضوع هم مابنسونه وقلت مالي غير خواتي في الله
المهم السالفه اني مطلقه وكنت مضربه نهائيا عن الزواج وكم واحد يتقدملي وارفض
ومن فتره اتقدملي واحد من نسايبنا وساكنين بعيد عنا يعني ما نعرف عنهم الا شي بسيط
وسألوا عنه اهلي والكل يمدحه وكنت ارفض وايقولولي استخيري وفكري المهم صليت صلاة الاستخارة وحسيت اني عادي نوعا ما احس برتياح من كثر ما يمدحونه اهلي المهم من وافقت على طول ملجنا لكني اترددت اني اكلمه في الملجه وتمينا شهر مانتكلم وهو يحاول مع خواته وانا ارفض والحين تقريبا من اسبوع بدينا نتكلم ويا بعض بس لاحظت عليه شكاك واااااااااايد يتصلي الصبح وانا في الدوام ايقولي ما شاء الله منوه وياج على الخط وانا اصلا مايكون عندي خط واقوله محد عندي ايقول انا مب غبي اعرف يوم ايكون في خط ثاني وما حب عد يستغفلني المهم اليوم طلب مني اني الغي الخط الثاني اول شي اضايقت وقلتله يوم ماعندك ثقه فيي ليش تخطبني واتصر انك تاخذني قال انا واثق بس ابغي ارتاح اكثر وقالي بعد اعطيني تلفونج وباخذلج تلفون غير وسالني اذا مصوره في صور ولا لا ويوم قلتله ليش انته شكاك ايقول انا مب شكاك وما احب حد ايقول عني شكاك
المهم خواتي ابغي تنصحوني كيف اتعامل معاه بطريقه حكيمه وابغي اتصرف في حياتي صح ما ابغي اتصرف تصرفات اتخرب علاقتي وياه وكيف اعطيه الثقه احيانا انفعل لأني ما احب حد اشك فيه وبصراحه ندمانه اني وافقت عليه
اذا من البدايه شك في شك الله يعينج
بس الغاليه ردي صلي لالاستخاره 5, 6 مرات عادي حتى لو 10 لين ما اتشوفين عمرج مرتاحه ولا لا
انا من رايي انج تسوين اللي يقولج عنه ريلج وبس …
حتى لو كان هو شكاك انتي امنحيه الثقة الكاملة .. وكلمه باسلوب يبعد الشك
المشاركة الأصلية كتبت بواسطة ام ود 
سوي اللي اهو يبيه عشان يرتاح ضميرة
يعني…بدلي التفون والغي الخط الثاني…عادي اصلا لانها ماتفررق وياج …
وبعد ماتسوين اللي اهو يبيه عليميه كيف يوثق فيج اكثر واكثر واكثر
واللي يبيه لاتردين في الطاعه وقوليله ان شاء الله ومن عيوني وخلج كووووووول
واذا تبين تقنعينه اقنعيه في وقت هاااادي وبكلام حلو عشان يقتنع…
وربي يسهل الامور ويفتج لج ابواب رزقه وخيره
^ــ^
صح يا اختي انا مع الأخت ام ود اسمعي كلامه وسوييه اله هو يباه
الله يوفقج ويوفقنا يارب
الشك الغيرة المبالغة والبخل
اعوذ بالله منهم
الغالية
سوى الى يباه
بس أن زاد فى الشك وقفيه عن حده بطريقة حلوه
ولا تنسين الغالية يمكن الشك جاى لانج كنت مزوجه من قبل وتعرفين سوالف بعض المطلقات
والشباب دايما يشفون الجانب ال**** للمطلقة وانها تقدر تسوى اى شئ ومحد يعرف
الغالية وعلى قولة أمى طاطى للريح لحد ما تعدى
وسوى الى يباه منج بدون ماتبينين له أنج متردده او خايفه او مضايقه
خلج معاه لين الاخر ,,,
والله يوفقج فى حياتج
اول شي الغالية حاولي انج تتفاهمين معاه واوثقي بنفسج اكثر هب عيب تسمعين منه هالاشياء ماالومج تضايقتي بس الي يشك من البداية الله يعييينج على هكذا حياة من البداية شك ؟؟؟
وخط ثاني وغيري التيلفون ……..المفرووووض يثق باختياره لج حبوبة كزوجة ….ولا يسوي هالحركات لانها طبيعي راح تضايق الحرمة ……..والريال لازم تطيعيينه وانتي واثقة من عمرج هب كل شي طلبه سويتي له مبرررات وقلتيله غلط هالشي ……لانج بيتعيشن جذه العمر اتبررين كل تصرف ….؟؟ والشك بيزيد ؟؟…..لازم ايحس مراقبة الزوجة وايد هذا شك هب حب ؟؟؟والي يشك تراوده افكار سودة من الشيطان خليه وايد يتعوذ من الشيطان دايما لا يدخل من بينكم ولا تعودينه كل شوي تبررين بيحس عندج شي غلط خليج عادية واثقة من نفسج واخلاقج ………..الطاعة واجبة صح بس الشك هذا طبع ، سلوك ما عرف شو الحل معاه؟؟ ،، حاولي تكسبينه واتخلينه يثق فيج انج زوجــــــة صالحة اختارها على سنة الله ورسوله والله يسهل عليج يا رب ……