السلام عليكم بنات
شخباركم ..؟
تقبل الله منا ومنكم صالح الأعمال في هالأيام المباركة
::
بنات حبيت استشيركم في سالفة القرض الشخصي ..
أنا كان عندي تجربة مع قرض السيارة وسددته الحمدلله
ولكن هالفترة والفترة اليايه محتاجه لسيوله والمبلغ مب عندي
ففكرت آخذ قرض شخصي من البنك
(مب مبلغ كبير وايد يعني 30 أو 50 ألف )
بس أنا ما أعرف شئ عن القروض الشخصية من البنك
طبعا البنك بيكون إسلامي ..
::
شو رايكم ..؟
أقدم على قرض شخصي ولا لأ ..
وحد عنده فكرة عن النسبة إذا ثابتة أو متغيرة ..؟
أنا قلت أسأل المجربين
وأكيد بسأل البنك
بس تعرفون البنك يسوون من البحر طحينة مثل ما يقولون ..
::
وان شاء الله في هالأيام المباركة ربي يكتبنا ويكتبكم من عتقائه من النار
ويرزقنا الجنة مع المتقين الأبرار
آمين
::
ومشكورين مقدماً
^_^
مرحبا اختي
انا نصيحتي لج لا تاخذين قرض ابرك لج اتسوين جمعيات مع ربيعاتج او اهلج وتاخذينها واتسددينها ع راحتج ولا الفوايد اللي بتدفعينها ع الفاضي وفايدة الجمعيات ان راتبج بينزل لج صافي بدون اي خصم
والله يوفقج
مثل ما قالت الأخت،، المبلغ بسيط،، الأفضل تدخلين جمعية و تتوفقين يا رب،، بلا هم الديون و فوايدها و ذنوب الربا
نصيحة لوجه الله .. ادخلي جمعية ولا تاخذين قرض ..
الله يوفقج وييسر امورج
المبلغ بسيط اختي ..
دخلي جمعيات احسن …
بسألج سؤال ع الخاص …
الفوائد ثابته لكن تطلع لج رسوم في حال ما دفعتي او تاخرتي او ارتجع الشيك ومن هاي الامور
اذا موب محتاجه موووت لا توهقين عمرج
جمعية احسن والا اتسلفيه من حد من هلج..و بعدين على حسب علمي البنك الاسلامي مايكون عندهم قرض شخصي؟
على ساس انه حرام يعني؟