شغالتي شردت لا بركتن فيها

غربلها الله و الله ما توقعته منها .. عايشه عندي احسن عيشه و نعاملها احسن معامله و جازتنا بشردتها عقب ثلاث شهور من يبناها .. وفي وقت انا في امس الحاجه الها
و الشرطه حسبي الله عليهم قالو سيرو الجوازات اشتكو .. و الجوازات قالو عشان نسوي تعميم لازم نحط تذكره الها عندهم عشان يسوون التعميم .. من ثلاث شهور دافعه قريب ال4000 عشان ايييبها .. و الحين بدفع 1200 سعر التذكره .. و 4000 ثانيه عشان الشغاله الثانيه
استغفر الله العظيم
ابا ادعي عليها من غيظي بس اخاف .. بس كافره .. و ارجع اقول ان شاء الله الله بينتقم منها الخايسه
و الله من غيظي اكتب ابا افضفض

اله يعينج <<<<< مارين وايد بالموقف هذا

شوفي اغلب الخدامات اللي يشردن يكونون من المكتب متفقين معاهن… انه من اتخلص فترة الظامن تشرد وهم يكونون معطينها عنوان شقه فاتحينها ويلمونهن فيها ويشتغلن بالساعه…… وعقب ماتخلص السنتين اتروح اتسل نفسها..

بس اللي يقهرني انه نحن ندفع التذكره هذا الشي اللي يريحهن لو هم يحبسونها ليش ماتخيس واهلها يطرشون لها فلوس التذكره بيتأدبن بس يدرن انهن بيتسفرن والتذكره بلاش مب من جبهن

حسبي الله عليهن يتحرنا نغرف الفلوس من البحر

الله يعينــــــج الغالية ..

يحليلج الله يعينج..

والله كثرت الشردات اللحين

لابركتن فيهن..

نخسر عليهن وعقب يشردن!!

الله يعينج يا ختيه

مب الا انتي..تصير في احسن العايلات..يشردن ويقولون موتوا غيض مردكم بتدفعون التذكره..هاللي يقهر..

انا بعد مريت بنفس الظرف وشردت الله لا يبارك فيها عقب الخساير
بس الحين سويت طريقه يديده مع الخدامه اليديده عطيتها راتب اول شهر وشهرين خليتهم عندي
هي الحينه ميته قهر قلت لها ماشي بيزات اله لين تسافرين عسب اظمن اذا شردت تذكرتها من فلوسها وخليها هي تموت من الغصه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.