السلام عليكم ورحمة الله وبركاته
شحالكم بنات ..
بدش فالموضوع اللي بدا يأرقني بصراحه ويسببلي حالة نفسية والله =(
شعري قام يطيح بشكل مب طبيعي
والله حزة السبوح يوم اغسل شعري واخلل صبوعي فيه .. الله لا يراويكم المنظر مب خصلة وخصلتين وعشر لااااااااااا .. والله يجيسني ضيج من اللي اشوفه
لو كان شعري خفيف جان ما رمست .. بس انا شعري كان غليييييظ من يوم كنت صغيرة
بس الحين بديت اقرع !!
وحياتكم الصبغ ما دق شعري لين الحين
وجربت دابر املا .. وحتى زيت شما اللي مدحوه وايد والله ولا ياب نتيجه
لا خروع ولا زيت زيتون .. احس مافادوني بشي
الحال للأردى 
إذا في علاج طبي انا مستعده .. واذا في خلطات مضمونه بعد مستعده .. ابا اشوف نتيجة ويرتاح قلبي
لان وضع شعري والله اييبلي الهم
واتحسر عليه .. لاني اتذكر قبل كيف كان غليظ وحلو وناعم .. والحين خفييييييييييييييف مستوي ذيل فارة
ابا اشوف تجارب ونتائج الكم يا بنات
ريحوني
امممم والله كلنا في الهوا سوا
بس قبل لا تفكرين في الخلطات لازم تعرفين شو سبب هالتساقط
لازم تروحين عند دكتورة جلدية وتفحصين الدم والهرمونات,, ولازم بعد تقرين على شعرج لأنه يمكن لا سمح الله
يكون حسد
صح حبيبتي اول شي سير لدكتوره جلديه 
والله يحفظج
سويلج مساج حق فروة الرأس
وروحي عند الدكتورة بتعطيج قطرات حق الشعر
استخدمي كورس علاجي للشعر بالزيووت
سويت فحص هرمونات من فترة وتحليل دم
ماعندي نقص في شي وهرموناتي طبيعية الحمدلله
بشرتي زينة وحتى ظفوري ناعمة وصحية
راضية عن كل شي
الا هالقرعة اللي بدت تظهرلي!
بعرس جريب وحاطة فبالي اصبغ شعري واغير شكلي
بس اذا تميت على هالحال والله اخاف اصبغه عن يحرقلي اياه مرة وحده
والله مااستبعد الحسد .. كمن مرة قالوا لي لون شعرج طبيعي ولا صبغة لانه بني فاتح على جوكلت ><" !
كنت اخرط عليهم من الخوف واقولهم صبغة هههههههههههههه
حد يعرف دكتورة ضامنة شغلها .. حتى لو كان غالي .. المهم شعري يرد شرات قبل
اذا الموضوع جيه حتى لو سرتي عند دكتورة مابفيد .. ابدي تقرين سورة البقرة كامل في دبة ماي كبيرة وكل ما بتطلعين مسبحة من الحمام , رشي هاالماي مرة ثانيه على شعرج , وشوفي النتيجة بسئ مب مرة وحدة دايما تواظبين يعني لين تحصلين النتيجة