خواتي شو تنصحوني اركب لارضية المطبخ اي لون ؟
ابغي لون مايبين الوصخ فيه بسرعة
فخاطري اركب السيراميك الخشبي ينفع حد جرب يركبه في المطبخ
افيدوني بتجاربكم ؟
السيراميك اللي نفس الباركيه احسه وايد حلو كأرضية للمطبخ بس بعد على حسب لون الكبتات اللي بتركبينها
نسقي لون الارضية مع لون الكبتات عشان يكون المطبخ حلو ^^
افضل لج درجات البني اما الخشبي بعد احسه روعه بس ما ادري اذا ماله سلبيات خصوصا المطبخ غالبا رطوبة
اختي انا بالنسبه ناوية اركب باركيه خشب لون اسود وااايد حلو
اختاري سيراميك من درجات اللون البني وعند التركيب خليهم يركبونه بالغلو مب بالاسمنت عشان مايبين في الفواصل بين قطع السيراميك والفواصل خل يعبيها روبا معجون من نفس لون السيراميك البني ومع الايام وحتى مع التنظيف والغسيل مايبين لونه وصخ يبين مثل ماهو بني لونه بتحصلين في الصيني ديزاينات سيراميك لونها بني عشكل رسمات ورق الجدران تييج فيها رسومات ورود واشكال حلوه اليدار والارضيه نفس الرسمه بس يباله ناس تضبط تركيبه وديري بالج تتعاملين ويا البنغاليه بتركيب السيرامك عندج الباكسانيين والسيك شغلهم وايد اوكي انا توني من اسبوع مغيره سيراميك المطبخ عندي وحاطه الديزاين اللي خبرتج عنه وطلع ماشاء الله وايد حلو