حيااكم اقلطوا جاي ماي عصير
شوفو حبيباتي العزيزات الغاليات
وين السهل نركض وراه صح ؟؟
بدش بالموضوع
المقادير :
لحم مفروم جيس كامل المثلج واذا طري اخذي نص كيلو
بطاط مسلوق ومهروس تقريبا 6 7 على حسب حجم البطاطة
توووووووست خمس حبات ست حبات على حسب عرض الصينية
الطريقة :
تسوين اللحم المفرو مثل مانسويه حق المكرونة بس بدون طماط
يعني نحمس البصل لما يطرى ونضيف اللحم والثوم والبهارات
نخليه لما ينشف مايه ونتركة على جنب
نييب صينية الفرن البايركس ندهنها شوي زيت اوكي
وعقب نحط البطاط المهروس ونساويه بايدنا مثل الصورة :
وبعدين تحطين اللحم المفروم عليه بالتساوي مثل الصورة :
وبعدين تصفين التوست بس تقطعين اطرافه اول مثل الصورة :
تالي تصبين الصلصة اللي بقولج عليها فوقهم مثل الصورة :
الصلصة :
تييبين كريمة الخفق كي دي دي وتبشرين عليها قوطي جبن كرافت الازرق حجم المتوسط وشوية ملح وفلفل اسود وشوية ثوم وتخلطينهم مع بعض وتصبينها على التوست وتدخلينها الفرن لما تتحمر شوي ويذوب الجبن وهذي صورتها عقب ماتطلع من الفرن :
خل تبرد شوي وقطعيها وقدميها وهذي صورة بعد :
وبالهنا والشفا
تسلمييييييييين الغلا
بس ماشي صور حبوبة
تسلمين حبوبه
حلوة الطريقه بس وين الصووور؟؟
ما دري ليش ما تنزل الصور
الغالية
المفروض كل صورة تدرجينها بروحها
مب كوبي بيست
لأ
اضغطين رايت كليك ع الصورة
تاخذين اللنك وتنزلينه كصورة
لو ما عرفتي أنا عندي صور الموضوع.. بنزلهم إن شاء الله
مافي صورة