شحالكم وشخباركم؟؟؟
انا عندي كم سؤال يدور في بالي من زمااااااااان واليوم قلت ليش ما اسالكم خخخخ…
المهم..اذا صار لج موقف يزعلج بينج وبن عمتج او بينج وبين حمياتج تخبرين ريلج ولاااااااااااا؟؟؟؟؟!!!!!!!
انزين اذا خبرتيه شو الهدف؟؟ يعني بس تفضفضين ولا عشان يواجهم ولا عشان يكون واقف وياج اذا كبرت السالفه مثلا؟؟؟؟
اممممممم وشي ثاني بعد…شو موقفج اذا سمعتي ان حد من البيت رمس من وراج جدام اي حد وقال عنج كلام مب حلو؟؟ كيف تتصرفين خاصة اذا انتي من النوع المسالم ومالج خص في سوالفهم؟؟
(سبحان اللهم وبحمده..سبحان الله العظيم)
انا لو زعلوني بحكي لزوجي بس الغرض فضفضة مو اكثر حتى مرة قالولي كلام زعلني ولما قلنت لزوجي زعل وقال بروح بكلمهم قلتلا لا والله،
ولو هما قالولي عني كلام كبيييير او كذبوا علي بروح و اواجههم اما اذا كلام تافه وباين انه ناتج عن غيرة بضحك عليهم وما اعتبرهم ابدا
أنا ما أقولج إتمردي ولا تتبعين طريقتي بس أنا الصراحه ما أسكت على حقي
تبين نصيحتي خبري ريلج للعلم وبس وإنج إتضايجتي وبعد عشان يوقف وياج إذا كبرت السالفه بتلقينه ياي يراضيج ويصالحج بالنيابه عن إللي غلط ومع الوقت بيكتشف عيوبهم
وإللي يتكلم وراج واجهيه إنج عرفتي عشان تحرجينه مب تضاربينه وتفهمينهم إن البيوت أسرار مب كل شيء يطلع برع البيت وزجك بعد يعرف السالفه من باب الفضفضه والعلم وفهميه أنج بس تفضفضين في هالسالفة وإن خاطرج أسراركم ماتطلع برع جدرانكم
وين البقيه…؟؟
الله يخليج سكتي
فتحتي جروح قديمه الي قلبي …
ساعات من القهر اقوله عن الي يصير لكن هو مثل ماتعرفين كل الرياييل مايرضون ع اهلهم
هو نفس شي… انا اقوله موو عسب يضارب اهله فضفضه بس الحين انحرمت اقوله اي شي
يتم في خاطري احسن
وعن الرمسه واااااااااااااااااااااااااايد سمعت رمسات وشوهت سمعتي وانا مايخصني بحد
اتخيلي ملجه بنت اختها مازقرتني اونه اختي ماقالت لي <<< ليش ماقالت لج اكيد في سبب
من كثر مارمست عني لانها كانت تبي تاخذ وحده من بنات اختهااا حق ولدهاا
والله يوم خبرت ريلي انه امك رمست عني سكت وعقب قالي هيه لازم بيصدقونهاا لانج ماترمسين حد <<< بالذمه السكوت شو يخصه بالحش اووووف ,,,انا وااااايد هاديه ماارمس حد الا اذا حد رمس ويااااي
واهل ريلي مااشوفهم الا بالعيد اتخيلي بس مرتيين في سنه ووكيف ماخذين عني افكار مو زينه بسبه العمه
الله يسامحهاااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااا
واااااايد اشياء اتصيير حتى البشكارة تنقل لي الاخبار بس انا ساااااااكته
مااقول غير حسبي الله ونعم الوكيل
وعليكم السلام والرحمة
كنت ساكنه مع اهل ريلي لكن الحمد لله نقلت برووحي ومرتااحه
بس بجااوب على اسئلتج بحكم ظروفي السابقة
——————————–
اذا صار لج موقف يزعلج بينج وبن عمتج او بينج وبين حمياتج تخبرين ريلج ولاااااااااااا؟؟؟؟؟!!!!!!!
ماكنت اقوووله….وفيوم من الايام عرف عن طريق بنت خالته كبرت بعينه ولامني لاني خبيت عليه و وقف فويههم عشااني وهالشي واايد زاد ثقتي بنفسي وحسيت ان لي سند ….الحمد لله على كل حال.
اممممممم وشي ثاني بعد…شو موقفج اذا سمعتي ان حد من البيت رمس من وراج جدام اي حد وقال عنج كلام مب حلو؟؟ كيف تتصرفين خاصة اذا انتي من النوع المسالم ومالج خص في سوالفهم؟؟
واايد سمعت وسمعت باذني وكانوا ينغزوون بالرمسة بس كنت اسويلهم طااااف لان الكل كان يعرف عمتي الله يهديها
ويعرفون انتها انها هي ساس البلى كله……بس كنت ارد يوم عندهم حد ويتكلمون انغزهم بالمفييد وكانوا ينقهروون
بس طبعا ماكنت اقصدهم بالرمسة اشكره عيني عينج.. لا …بس المهم كنت ارد عليهم رمستهم فوقتها.
وعلى فكرة يوم كانت عمتي اضاربني او يصير شي بيني وبينها …كنت ماقاطعها انا الي كنت اسلم عليها واصبح عليها وامسي …وازقرها تتغذى يوم اطبخ ….بس بنتها تخسي والله….
وفيوم من الاياام مدحتني ويتني الرمسة ان *مرت ولدي اتهاوش وياها ولا كانه مستوي شي بيني وبينها وعلى طول نرد نرمس بعض وبنتي بنت كرشتي جي تسوي فيني* بنتها كانت اضاربها وتجرحها بالكلام وتقاطعها
مانقول غير الحمد لله على كل حااال وربي يوفقنا ويوفق الجميع
الزواج مب شي سهل الوحدة لازم اضحي وتتحمل المسؤولية وتتعايش مع ظرووفها
يعطيييج العاافيه والسمووحة عالقصوور
اممممممم…
الصراحه انا عن نفسي ما اسكت اقول لريلي كل الي يضايقني بس مب عساس يضارب معهم
لا والله بس عشان يخفف علي مثلا …
اذا سمعت شي . لو كان شي قوي بروح وبرمسهم فيه بس لو كان يعني … اسوي طاف بس اقول لريلي بعد..
بس الحمدلله الحمدلله عمتي ما عليها كلام تحبني وتخاف علي بعد ..
انا قبل ما اعرس كنت اقول ليش اطلب اسكن وحدي لا
ارريد اسكن مع اهله…
بس الصراحه مب عشان شي مضايقني بس احلى شي يوم الوحده تسكن وحدها ..
تاخذ راحتها في كل شي ….من اكل ولبس وطلعه.. وحياه وكل شي..
واحسه استقرار بعد …
وانا اريد اضيف سؤال ….
هل الحرمه لازم تقول وين رايحه ولشو وووووو وهي طبعا طالعه مع ريلها … لاهل زوجها …؟؟؟
يعني لو ريلها مب موجود وطالعه عادي تقول
بس لو اهي رايحه مع ريلها … لازم تقول الموجز قبل الروحه والا ….؟؟؟
شو رايكم…؟؟؟؟