بنات أنا محتاجة منكم الدعاء الصادق واللي تقدر اتساعدني من بوظبي يزاها الله ألف خير ..
أنا كان عندي تراي تاريخ 10 /11 ورسبت ، وحطولي موعد وبلواسطة جدموه لتاريخ 23/11 أمس صارت الكارثة والمصيبة بنات للمرة الثانية رسبت .. بس رسوبي هالمرة واايد مأثر علي ليش ؟؟ لأني سويت حادث البارحة وركبت السيارة فوق الرصيف وربكم ستر مافي إصابات غير السيارة والشرطية اتأثرت من الضربة شوية …….. أنا من أمس ماسرت الدوام وكله اصيح مب قادرة استوعب اللي صار عقب ماخلصت قالي الشرطي لفي يمين جان اركب فوق الرصيف وعطوني موعد للشهر 1 . وأنا والله محتاجة الليسن للدوام تعبت من سيارات الأجرة …. طالبة منكن الدعاء بالتوفيق لي والنجاح في الليسن ( جنها شهادة ثانوية عامة ) المهم واللي تقدر ادلني على أحد يجدم لي الموعد . أكون لها من الشاكرات .
نسيت أقولكم بعد أنا خايفة واايد وأقول لما اسير المرة الثالثة أخافهم يرمسون عني ويقولون هذي اللي سوت الحادث وهذي اللي دعمت أنا خايفة ومتوترة وساعات أقول بسير أسكر الملف مااالي والله إنها نفسيتي تعبانة أخاف أسير مرة ثانية واسمع كلامهم اللي يجرح .
ساعدوني بالدعاء أو بكلمة حلوة أو باللي تقدروا عليه إذا أحد بدلني على احد .
بنات أرجوكم ما أبا أحد يتشمت فيني والله إنه نفسيتي تعبانة .
الله يسامحكم حتى كلمة حلوة وإلا دعاء منكن ما لقيته ………. الله كريم
ماعليج الغاليه ان شاء الله المرة اليايه تنجحين ^ــ^
وانتي اذا عندكم شوارع فاضية ف بوظبي حاولي انج تدربين قبل التراي عشان ماتحسين بخوف ….
يمكن كل هذا نتيجة الارتباك عادي كل شي جايز
وتوكلي ع الله حبوبه ..
والسموحه..^ـ^..
الله يوفقج اختي ان شاء الله وتتسهل امورج وكلنا في البداية اخطانا عفسنا وما في داعي تتاثرين لهذه الدرجة انتي ما سويتي حادث خطير اللهم طلعتي الرصيف وكلنا سوينا مثلك في البداية بس بعد فترة راح تكونين سواقة والانسان يتعلم من اخطائه
هلا عزيزتي .. شدي حيلج وركزي فالسواااقه
ترى هالخوووف هو اللي يخرب عليج
وجان بغيتي رقم مدربه شااااااااااطره وفنانه .. راسليني عالخاص
محد ادرب عندها الا وخذ الليسن من اول تراي
^_^
وربي يوفقج
مافي داااعي هالتوتر اذا توترتي وسرتي تراااج مابتعرفين اتسوقين
ادربي كل يووم ساعه خلي حد من اخوانج يدربج وقبل لا تسوقين اخذي شهيق وزفير وايلسي يلسه صحيحه واشربي عصير ليمون بالنعناع وااايد مفيد ويخفف من التوتر
خلج كووول ياماما انتي هب اول وحده ولا باخر وحده تيك ات ايزي
الله يستر عليج دنيا واخره ياربي
فالاخير حمدلله عسلامتج حبوبه
الله يوفقج انشالله…..وتنجحين واتحصلين الليسن…..
ولا بعد اتحوطيني وياج…..خخخخخ