بدون مقدمات بدخل بالموضوع على طول لاني تعبت وتعبت صديقتي معاي بنفس الوقت البدايه هي
انسانه عاقله محترمه حبوبه ودينه وخجوله جدا
تعرفت عليها من 3 سنوات واصحت علاقتي بها قويه لابعد حد فهيا اختي وابنتي الصغيره التي اخاف عليها
واغار عليها من كل شي يمر صوبها وهي تعرف مشاعري لها وتحترمها كما احترمها واعزها والله
المشكله يا اخواتي وبدت الخلافات تدب بيننا على اتفه الاسباب وفي اليوم مرتين او ثلث مرات نختلف
انا ما اعرف اسولف معها مول ماشي مواضيع سوالفي معها طول اليوم عن البيت وعن نفسي
وشو سويت وشو اكلت بنص المكالمه تحصينها ملت لاعت جبدها تقولي ماشي سواليف عندج غير هاي المكرره ..
من غير هاي اني اقط عليها كلام بس يشهد الله ما اقصده والله شاهد علي اني اعزها معزه ما عزيتها لبشر
بس ماشي اسلوب عندي والله والا انا يشهد الله على نيتي وقلبي صااااااااااافي وطيب لها بس مالي حظ مول
حسيتها وايد كرهتني وملت مني ومن اسلوب كلامي معها هي تحسب اني احقد عليها و اكرها لا والله
عمري ماكرهتها ولا حقدت على بشر فكيف احقد عليها وهي روحي .
الحمد والله..
لكن اسلوب كلامي معها زفت قلولي اشلون اخليها ترد شرات قبل .
ارجوكم ساعدوني مابا اخسر اختي وصديقتي الغاليه .
اعذروني على الاغلاط الاملائيه .
حبيبتي اتذكري قبل 3 سنوات شو كنتوا تسولفون وكيف تعلقتوا في بعض ودام انه هي اربيعتج اكيد يعني اتعرفين هي شو اتحب وشو تبغي سولفي وياها عن الاشيا اللي هي تحبها اساليها مب طوول المكالمه انتي بس تتكلمين وما تعطينها مجااال يعني خذي وعطي وياها غيروا الروتين اطلعوا مع بعض
بس حاسة فيج والله انا بعد احيانا اتيني هفات اسلوبي يستوي زفت ويا الكل حتى ويا امي فديتها عسى ربي لا يحرمني منها ان شاء الله
الله يعينج
ياليت اختي ياليت
حتى هي تقولي جي تقولي تغيرتي وايد وايد تقولي تذكري قبل شو كنتي تقولين
المشكله هي بعيده عني انا بديره وهي بديره
احاول اردها بس مب عارفه والله احس اني خسرتها خاصه انها بدت تتغير علي من اسلوبي الي دمر كل شي
ابا حل وادري الحل بيدي بس مب رايمه والله لجئت لكم عقب ما مليت وانهرت مب عارفه شو اكتب والا كيف ارد
..
مب لازم كل يوم تكلمينها اقطعي كم يوم وبعدها بتحصلين مواضيع تسوليفين وياها بس كل يوم اتكلمينها اكيد بتلوع جبدها
ممممممممم
حاولي انج تكلمينها يوم بعد يوم…اختاري مواضيع تناسب الوقت (الصبح غير عن وقت العشا مثلا )
حاولي انج تشعبين بالمواضيع لا تتكلمين دوم عن نفسج خليها هيه اللي تتكلم وتفتح المواضيع ممكن لو حست انها القياديه تتغير..
الله يخليكم لبعض ودوم المحبه بينكم 
الله كريم
غاليتي
ما عليج منها حاليا
أهم شي انتي ,, كيف اطورين من شخصج ,, كين تخلين اسلوبج احســــن ^_^
حاولي ادشين دورت تطوير الذات
اقري عن العلاقات الاجتماعيـــة
وكيف تكونين انسانــة اجتماعيـــة ^_*
العلم ثم العلم
كل ما عرفتي اشياء اكثر ,, كل ما قدرتي تتكلمين اكثر وتبهرين الناس الي جدامك بمعلوماتج
ثقفي عمرج ,, وركزي على دينـــج^_^
واذا سويتي هذا الشي أكيد بتحصلين ربيعتج تميل لج أكثر عن قبـــل ^_*
وربي يوفقكم لكل خير
المشاركة الأصلية كتبت بواسطة الأمبرطورة 
انسانه عاقله محترمه حبوبه ودينه وخجوله جدا
تعرفت عليها من 3 سنوات واصحت علاقتي بها قويه لابعد حد فهيا اختي وابنتي الصغيره التي اخاف عليها
واغار عليها من كل شي يمر صوبها وهي تعرف مشاعري لها وتحترمها كما احترمها واعزها والله
المشكله يا اخواتي وبدت الخلافات تدب بيننا على اتفه الاسباب وفي اليوم مرتين او ثلث مرات نختلف
انا ما اعرف اسولف معها مول ماشي مواضيع سوالفي معها طول اليوم عن البيت وعن نفسي
وشو سويت وشو اكلت بنص المكالمه تحصينها ملت لاعت جبدها تقولي ماشي سواليف عندج غير هاي المكرره ..
من غير هاي اني اقط عليها كلام بس يشهد الله ما اقصده والله شاهد علي اني اعزها معزه ما عزيتها لبشر
بس ماشي اسلوب عندي والله والا انا يشهد الله على نيتي وقلبي صااااااااااافي وطيب لها بس مالي حظ مول
حسيتها وايد كرهتني وملت مني ومن اسلوب كلامي معها هي تحسب اني احقد عليها و اكرها لا والله
عمري ماكرهتها ولا حقدت على بشر فكيف احقد عليها وهي روحي .
الحمد والله..
لكن اسلوب كلامي معها زفت قلولي اشلون اخليها ترد شرات قبل .
ارجوكم ساعدوني مابا اخسر اختي وصديقتي الغاليه .
اعذروني على الاغلاط الاملائيه .
والله يا اختي لو انتي ماكتبتي انه هالبنت انتي متعرفه عليها من 3 سنين ..جان شكيت في انج اربيعتي الصراحة ..الي علاقتي بيها ..مادري كيف اوصفها…
انا اعرفها من سنه و 4 شهور يعني من اول ما داومت…الي امكرهني فيها اسلوبها الي ابد مب حلو..و كلامها الي اتفره من غير حساب و المواقف الي مالها داعي الي اتحطيني فيها..من ورا السانها.
اختي اذا اتعزينها و تبغين ترجعون لبعض و اتمون مع بعض حاولي في نفسج ..فكري بكلامج قبل ماتفرينه ..فكري لو انه حد فر عليج نفس الرمسة بترضينها…الحلو فيج انج تعترفين انه اسلوبج وياها مش ولا بد …اربيعتي انا (السابقة قريبا) اكلمها اقولها انا هالكلام مايعيبني و كلموها ناس و بعد ماشي فايده…حتى بديت اشك انه كلامها جد مو مزح! و مب على نياتها والا انه ماتقصد شي بكلامها ..
و الله ايعين الجميع..
