*.*.*.*. ساعدوني ارجوكم منوه يعرف رقم شخص في السعوديه أمين للحجوزات.*.*.*.*

يعني في ابراج زمزم.. ابراج مكه .. التوحيد.. لاتعبين عمرج اتصلي بمقاول ابرك ..

لان المنطقه اللي حول الحرم نصها هادمينها بيسوون مشاريع يديده والفنادق الباقيه مغليه الاسعار

انا جربت اتصلت بروحي بالفنادق .. الابراج طول رمضان محجوز .. ابراج زمزم بيعطيني غرفه مطله عالحرم غاليه والسعر الاجمالي خيالي! التوحيد ماحصلت عنده شاغر في الوقت اللي اباه ..

نصيحه شوفي مقاول احسن لان المقاولين يحجزون من قبل والفنادق تسوي لهم تخفيض
انا هالاسبوع جربت الاسعار في كذا فندق لو بحجر روحي بيطلع وايد اغلى عليه ..

وان شالله يوم السبت بنحجز عند حملة الفجر في دبي ..
اسعارهم معقولة وحملة معروفه ما جربتها بعدني بس الكل يمدحهم ..

واذا محتايه تفاصيل اكثر عن الاسعار راسليني عالخاص استويت خبره ههههه

هلا الغاليه …
انا بعد مثلج استويت خبره ..
بس انا ما بحجز في الفنادق اللي ذكرتها ..لاني بحتاج حجرتين و في العشر الاواخر..
يعني بيطلع الحساب قريب 800000

انا بغيت شقق ..لانه بشكارتي بتكون ويايه (بتيلس وي الصغاريه)
و انا كلمت حملة الفجر ..ما يتعاملون وي الشقق
عشان جذيه محتاجه شخص هناك ينصحني بمكان مناسب
و جزاك الله خير عزيزتي على الاجابه..

المشاركة الأصلية كتبت بواسطة BINKI GIRL

ربي يسرلج عمرتج الغلا