اهلين صبايا ….
بإذن الواحد الأحد راح ازوركم في بداية الصيف ..وفتره قصيره جدا
انا عروس وبجهز …
ابغى كل الاسواق اللي في دبي والشارقة وعجمان …فقط بس بشرط فيها اشياء حلووووه وشامله لكل شي واهم شي اسعارها معقووووووله والله بدعي للي ترد علي
ولو سمحتوا ( انا كل صيف ازور الامارات لكن ما سمعت عن هذه الاسواق )
(سوق القطار وسوق الجره وسوق القديم ) وين مكانهم بالضبط
ومعليش تعبتكم بالاسئله …سوق القديم هو نفسه سوق العرصة
ساااااااااااعدوني والله مالي بعد الله الا انتم
اممم ، أنا من بوظبي..
بس أحسن سوق في دبي للعراوس هو سوق نايف ومركز المنال اللي فيه وكمان مركز البستان ،، بتحصلين فساتين في المراكز ونعول وأشياء بتعجبك .. وحتى السوق فيه قطع وشنط و أشياااء كثيرة مررة ..
وبسسس.. إن شاء الله تتهنين و الله يكمل عليكي بالخيـــــــــر..^^
ياعمري والله ما قصرتي
انا سعودية … وناوية اجهز عندكم …
سمعت عن سوق البستكة أو العبرة ومنطقة السبخة … هذه اسواق ولا لأ ووين بالضبط
لييييييييييييييييييييه ماااااااااااااتردون علي
ساعدوني الله يساعدكم
لكم دعوة بظهر الغيب
رفع رفع رفع
بخصوص دبي والاماكن اللي سالتي عنها؟؟
أولا : سوق نايف
وهو من أشهر الأسواق الشعبية في دبي ويحتوى على بضائع منوعه و رخيصة الأسعار من جوالات وأجهزة إلكترونية وذهب وثياب وجلابيات وعطورات وغيرها.
في وسط سوق نايف بتلاقين مركز اسمه مركز المنال .. روعه لتجهيز العرايس
في محلات :
عبي و قمصان نوم و والقطع و كم مجل عبايات وبدل وجواتي وشنط
.jpg)
جنبه بعد سوق اسمه الوصل نفس فكرة نايف وتقريبا من نايف لين سوق الوصل 5 دقايق مشي وبعد جنبه سوق الذهب بس ما تقدرين تسيرين مشي بسياره تقريبا 10 دقايق او اقل
_______________________________________________
عندج في دبي بعد مركز البستان
المركز فيه محلات قطع فساتين وقمصان نوم روعه
مكانه :
دبي القصيص
نقلتلج هالصور من منتدى ثاني عشان تشوفين المركز من داخل
*************************************************
الشارقه
سوق القطار هو نفسه سوق المركزي
وهو يجمع بين الشعبي والحديث ويوجد به العديد من محلات التحف والانتيك ، وكذلك السجاد . وتعد الشارقة قبلة التسوق في الإمارات حيث أن بضائعها ارخص من دبي. كما يوجد بها العديد من الأسواق الشعبية التي تنظم وتخصص لها الشركات السياحية زيارات خاصة للسائحين لزيارة أسواق الشارقة والتبضع منها . ويعد السوق المركزي بالشارقة واحد المراكز التي تستحق الزيارة.
*************************************************
لي عوده ان شاء الله
سوق الجديم ف الشارجة . . 
و حيآج الله بتنورين البلاد . .