سؤال للمتزوجات والمقبلات على الزواج والملقوفات بعد هع

شحالكم؟

اليوم كنت ارمس ربيعتي بتعرس شهر 12 ان شاء الله، وقالت لي عن شي شرات العادات والتقاليد عندهم، انا استغربت لان اول مره اسمع بهذي العادة، ويمكن تكون مرتبطه بمنطقه معينه او كل البلاد جي، انا ما اعرف في امور العرس

الله يسلمكم، ربيعتي كانت تشكى لي من تعب مشاوير الزهاب، وحجز كوشه وغيره.

وفي نص سوالفنا

خبرتني عن شي اسمه (الكلام) اونه مبلغ من 2024 الى 5000 ينعطى حق ام العروس يوم العرس قبل ما تظهر العروس من القاعه. على اساس انه تاكد الام انه بنتها تربت تربيه واخلاق وجي.

انا صراحة استغربت جي حسيت اني في دوله ثانيه، بس هي قالت لي ان كل الناس جي
المهم الغاليات

ابا اعرف هالشي مرتبط بس بمكان معين، وللعلم البنت من المناطق الشماليه(الفجيرة)، او هالشي من عاداتنا وتقاليدنا.

اترياكم

غريبة ويديده علي انا متزوجة و من الامارات الشمالية لا شفت ولا سمعت عن هالشي

ربيعتج هذي شو اصلها ؟؟؟ قصدي من قوم منو؟؟؟ (حبسية؟ شحية ؟؟ ولا بدوية؟؟ ولا عيمية ؟؟ ولا بلوشية ؟؟) هذيل كلهم انا اعرفهم وما اذكر عندهم هاي العاده ..

الحمدالله يعني مب بس انا ما اعرف عن هالعاده
بصراحة ما ادري من قوم منو،، انا اعرفها عن طريق قروب بنات في البلاك بيري
وهي من الفجيره بالتحديد، ويمكن هالشي مرتبط في عائلتهم بس

المعرس يعطي ام العروس

والله بروحي انا استغربت، يعني اخوي عرس قبل جم سنه ولا شفت انه عطى ام حرمته فلوس

وكنت بسال الوالده، عقب استحيت هههههههه

واستغربت انها قالت ان هالشي معروف وكل الناس جي

ولا بعد واذا المعرس ما عطى ام العروس المبلغ، يعتبر عيب

حصلت رابط لموضوع جديم يتكلم عن نفس الموضوع
وحده كاتبه انه عندهم هالشي
http://forum.uaewomen.net/showthread.php?t=160438

سبحان الله عادات وتقاليد غريبه عندنا