بنات في وحدة كانت تبيع معجون معطر للفم ويزيل الرائحة الكريهة
تعرفون منو هي؟؟؟
الله يخليكم فرائحة فمي كريهة… وهالمعجون كان لبياض الأسنان وتعطير الفم
بس المشكلة إني ضيعت اسم صاحبة المنتج
أرجوكم ساعدوني… اللي أذكره انه يخلي ظروسج كاللؤلؤ.. ورائحة فمج تفوح منها رائحة العطر
وهو مجرب…. رجاءا لا تخذلوني
حبيبتي سيري عند طبيب الاسنان يمكن عندج مشكلة في اللثة او المعدة لان الريحة احيانا تكون منهم
جزاج الله خير رنج أبيض
اين البقية….
عليج حبيبتي بمعجون ادفانس ولما تبرشين اسنانج نضفي لسانج لان بقايا الطعام تعلق وتسوي روائح كريهة والله يعنج
صح لازم اتسيرين المستشفى لانه ممكن يكون التهاب ف اللثه ولاتآكلين حلويات واستخدمي خيط الاسنان للتنظيف .
المشاركة الأصلية كتبت بواسطة شمبو فراولة 
شكرا لج عالرد أختي شمبو فراولة
ويزاج الله ألف خير…
المشاركة الأصلية كتبت بواسطة زيبا يزاج الله ألف خير أختي زيبا
ما عندي الحمدالله التهاب في اللثة
وما أحب الحلويات وايد..
وخيط الاسنان أحسه يجرحني بس أحاول استخدمه
وأنا عندي فرشاة صغيرة تدخل بين الأسنان لتنظيف بقايا الأكل
بس بعدها الريحة موجودة
وبعد سويت تنظيف للأسنان وعندي مواعيد كل 6 شهور… وما فيني جير
بس يمكن لأني أصاب بإلتهاب الحلق واااايد… دايما حلجي يكون ملتهب لأقصى درجه
مع أني لا آكل اسكريم ولا أشرب حتى عصير…
على كل شكرا لج مرة ثانية …