كيف حالكم ,؟
انا عضوه جديده معاكم
وانا سعوديه وبسكن ان شاء الله بالشارقه فحبيت استفسر عن جامعه الشارقه حابه اكمل الماستر فيها وودي اول شي اتعلم انجلش لان مررره مبتدئه باللغه يعني الاساسيات فقط
يعني كيف طريقه الجامعه اول سنه انجلش والا كيف واللي درس فيها يخبرني ياالشارقه الامريكيه او جامعه الشارقه وايهم افضل ادرس اول فيها او اني ادرس بمعهد واكمل بالجامعه
ابي شوركم او اني اجيب مدرسه بالبيت تعلمني الانجلش انا ماعرف شي بالشارقه ولاافضل معهد ولاكيف طريقه الجامعه واللي عنده خلفيه ودرس ياليت ماتبخلون على اختكم
انتظركم ان شاء الله
للرفع الغلا
….للررررررررررفع….
حياج الله اختي فالجامعة ، انا فجامعة الشارجة
بس ماقلتي شو تخصصج؟؟
ترى فيه تخصصات ماتتطلب شهادة انجلش ،
اما اذا تخصصج لابد فيفضل انج تقدمين على امتحان الايلس او التوفل مسبقاً في احد المعاهد المعترف فيها مثل : برتش كاونسل.
ومادري بخصوص الماستر يمكن يعادلون لج في السنوات ويغضون البصر عن الشهادة
لان اللي اعرفه الطلاب الجدد هم اللي يخضعون لامتحان تحديد المستوى في البداية
واللي مايعدي فيه يتم يدرس كورسات انجلش "لفلات"
لين يعدي ويبلش دراسة التخصص.
واذا تخصصج مب مطلوب فيه توفل مب شرط تاخذين شهادة الانجلش او التوفل ^^
اما الاميركية لاااازم توفل بكل الاحوال
ها اللي اعرفه وان شاء الله اكون افدتج
الله يعاااافيكم كلكم
ومشكوره اختي ورد معطر ماقصرتي
انا توني حبيبتي بقدم عليهم وللحين مابعد تخصصت وودي باداره اعمال او قانون
وانا اساسا ودي ادرس اتجلش لاني مررره مبتدئه فيه ومدري كيف الطريقه والله يوفقك ويوفقني ويوفق الجميع يارب
ان شاء الله البنات يفيدونك
للرفع
عزيزتي ادارة الاعمال يبيلهاا توفل ، انتي شوفي قدمي اوراقج وجربي امتحان تحديد المستوى
ولو ماقدرتي عليه ومايبتي المطلوب
لاتسجليييييين للكورس اللي هو "اللفل" . . لانه تضييع وقت وجهد وبيزاات ع الفاضي ، عن تجربة
أجلي التسجيل وسيري ادرسي في معهد معتمد وامتحني هنااك بتاخذين التوفل او الأيلس في مدة قصيرة
وترى الايلس اسهل من التوفل بس اهم شي فالموضوع كله البراكتس "التدريب باستمرار على المهارات"
اما القانون مايبيله توفل ، تدخلين التخصص على طول
والله يوفقج عزيزتي ^^