السلام عليكم …
بس عندي سؤال واتمنى احصل الاجابه عندكم يا الغاليات …
وحده من بناتي عمرها سنه ونص ,,يعني مالها كرسي فـ الطياره ,,
الحين على علشان نحطها فـ سرير الطياره ,, وين يتحدد هالشئ يوم نحجز التذاكر ولا من المطار ؟؟
مال مكتب السفريات قاللنا سيروا من وقت المطار علشان هالسالفه ..
نحن طيارتنا 10 ونص ,, ان شاء الله ناوين نوصل المطار الساعه 7 ..
جاوبوني …. يزاكم الله خير ..
الغاليه المفروض اتبلغينهم وانتي تحجزين بس روحي من وقت بس في المعقول وطلبي منهم
لانه في ناس وقت الحجز حتى الاكل يطلبون اكل معين
اختي كان المفروض تطلبون السرير وانتو تحجزون لأن بيكون في عوائل ثانية عندهم أطفال اصغر وبالتالي بتكون لهم الأولوية في حجز الأسرة والكراسي اللي في المقدمة
واذا ما كنت غلطانة الاطفال في هالسن ما يعطونهم سرير بس بعد تأكدوا من قبل
هلا اختي
انا بسافر وعندي بنت بعمر بنتج ،، حجزت لها سرير وقت حجز التذاكر ،، أكدي عليهم انج تكونين في الصف الاول
من الطيارة ،،
درب السلامة
ختيه اذا بتسافرين ع طيران الاتحاد او الامارات
اتصلي على الرقم المجاني تبع اي طيران
وعطيهم رقم الحجز وخبريهم انج تبغين سرير
لـ بنتج او تحددين المقاعد لي تبغينهن اذا
شي امكانيه
كان المفروض من وقت الحجز يثبتون لج مكان في المقدمه بس سيري من وقت واطلبي مكان جدام حق بنتج
اختي
اتصلتي بالرقم المجاني
او احجزي المقعد عن طريق النت
وسيرو المطار من وقت