بنات انا اليوم سألني ريلي سؤال وبقولكم شو كان جوابي وشو كان جوابه
السؤال:
ليش الحرمة الى ريلها متعبها .. مايهتم فيها ولا في عيالها كل شغل البيت والعيال والمشاوير كل شي على راسها ..
مدلع مايسوى شي في البيت الى ياكل ويشرب و بتفلسف
ليش هالحرمة تتم وياه
عشان عيالها ؟؟
ولا عشانها ماتبى تدمر حياتها .. وتطلق؟؟
ولا ماتبى تحس انها فشلت ؟؟؟
جوابه : قال لو انا مكانها بصبر مب عشان شي بس عشان مادمر حياتي وحياة عيالي وبعيش وياه
انا شو كان جوابي:
قلت له : عن نفسي انا بخليه … افضل ارد بيت اهلي واكون مطلقة .. على اني اكون متزوجة بالاسم فقط …
فأنتوا شو رايكم ؟؟؟
لو عندج شرات هالريال شو بتسوين؟؟
الله لا بليتنا بريال مثله
غير جوابي مثل جواب ريلج
و الله يسعدكم دنيا واخره
والله مآ ادري ..
بس اتوقع بصبر بس لحدوود
بعدني ملقووفة بس الصرااحة مابقدر اتحمل هالوضع
لو عندي عيآل يمكن اصبـر لو مآعندي مصدر دخل .. لاني مآبا اكون عآله على حد حتى لو اهلي مابيقصروون ويآيهـ ..
ويمكن اقدر اصلحه .. محد يدري شو بيصير !
وبث ^.^
حبيبتي الغالية
الأمر جدا صعب اذا في رياييل بهالنوع ..
وفي رياييل وايد جيه
بس أكيد الحرمة العاقل هيه اللي بتصبر وبتحتسب الأجر عند الله
فوق هذا كله عسب عيالها ما يعيشون بعيد عن أبوهم
وتكون حياتهم مستقرة وما في تشتيت عسب ما تأثر على نفسيتهم ^_^
طبعا هو يعتمد على الحرمة وشخصيتها
مدى عدم اهتمام الرجل
على عدد اطفالها