السلآم عليكم ورحمه الله وبركاته
املي بالله ثم فيكم يا خوآتي العزيزات ،،
بدخل في الموضوع على طول ،، انا خريجه ثانويه عامه دفعه 2024 يعني العام ،، المهم انا طالبه متميزه ولله الحمد ونسبتي ف التسعين وطلعتلي بعثه لامريكا استخرت وموول مارتحت فقرررت اني اسير التعليم العالي وحولت جامعه زايد وقبلوني ف جامعه زايد بوظبي عشان نسبتي والسيبا مالي ولله الحمد ،، اول يوم داومت مول مارتحت واحس اني مخنوووقه حتى الحين يوم امر على الجامعه من برع اظاايج واايد مادري ليش ،، بتسألوني اذا بعدني ف الجامعه بقولكم لا ،، انا غبت اول اسبوعين ،، بسبب وفاه اميه وابويه الله يرحمهم بحادث اليم ،، الله يسكنهم الفردوس ياااارب ،، وبعدين سرت وقفت ،، وقبل شهر ونص تقريبا حولت جامعه الامارات ،، عشان التهي شوي ويا ربيعاتي اللي هناك وانسى همومي ،، انزيين بتسألوني انا شو ابا بالظبط منكم !!
طولي بعماركن يوم اتصلت للقبول والتسجيل ع اساس احول قالولي شو تبين تخصصات في جامعه الامارات ؟ قلتلهم ابي علوم صحيه << رغبه الوالد والوالده من بعد ماحولت فكري عن الطب ،، وخآطري ادرس هالتخصص وهم كانوا يبوني ادرس علوم صحيه حتى قبل الحادث بيومين اتصلت لابويه اقوله بحول آي تي مآرفظ لنـه مايجبرني على شي وقالي انا وياج فاي مجال انتي تبينـه بس حسيتـه تظآيق عسبت اني شطوره وعلمي وادخل آي تي والتخصص وايدين داخلينـه << كان خاطره في الطب او العلوم الصحيه ،، المهم فقالولي مايستوي اتسجلين علوم صحيه الكليه ماتفتح ع الكورس الثاني ،، لنـي انا من مستجدات الكورس الثاني وااااااااااااايد اتظآآآآآآآآيقت وحطيت تخصصات ثانيه ،، يوم قلت لربيعاتي اللي ف جامعه الامارات قالولي انتي شاطره واترومين اتخلصين الاساسي بنص كورس وعقبها اتغيرين تخصصج للعلوم الصحيه وان شالله بيقبلونج ؛؛ انا واااااااااايد خآيفه ؟ صج كلامهم يستوي اغير تخصصي للعلوم الصحيه عقب ولا بيقولون لي لا !!!!!!!!!!!!!!!
بليز اللي اتعرف شي اتخبرني
اللهم آغفر لوالديها وارحمهم كما ربوهم صغارا وحرم وجوههم عن النار ياارحم الراحمين اللهم اجزهم عنـها أفضل الجزاء يارب العالمين
5 مشاهدات ولا رد !!!! ولا حتى دعوه حلوه !!!!!!!
آفآآ 
والله ما أعرف
بس حبيت ارفع لج موضوعج
وربي يوفقج ان شاء الله
ويرحم ويغفر لامج وابوج يا رب
هلا أختي سمحيلي ما عندي فكرة الله يوفقج و إن شاء الله تحصلين وحدة تعرف و تخبرج
الله يرحم والديج و يدخلهم فسيح جناته
آميييين يارب
ارفعولي الموضوع بليز
اهلين الغالية…فديتج انا في الجامعة و الي اعلرفة ان عادي تغيرين تخصصج..واايد بنات يغيرون تخصصهم بعد التعليم الاساسي.. موفقة الغالية
توكلي عالله و ان شااااااااء ربي يكتبلج الخير..
اذا بغيتي اي شي ان حاضرة..
اختي عاادي اتغيرين تخصصج بعد ما تخلصين الاساسي ..
وبعدين لوو تبين تتاكدين سيري القبوول والتسجيل ساليهم ..
اختي عااادي ..
واظن بعد ع حسب المعدل .. فيه بعض التخصصات تنقبل ع حسب المعدل ..
جربي اختي .. ولو تبين نصيحتي لج … استخيري .. الخيرة فيما اختاره الله
^.^
بالتوفيج