السلام عليكم خواتي حابه أستشيركم في حد مثل هالحاله يعاني منها او هل هالشي طبيعي والا شو تفسيرا
تعقدت وانا في اول واحلا أيامي من عرست توني ماكملت سنه عايشه فبيت هل ريلي لكن ريلي مخه مادري كيف تعبني نفسيا لدرجه افكر اروح عند دكتور نفسي من وراه او استشاريه كله اقول هل جمله له ليش تباني افكر فالشي اللي تقوله ورده فعل امك من ناحيه سلبيه مثلك تباني اتعقد يقول لا عشان لو صار لا سمح الله قلت له انا متوقع ولا أتخيل لأني فحالي والكلام بيروح لك انت لان انا سطحيه ويا هلك
يعني يوم بنطلع يقول لي تخيلي امي تقول وين طالعين هال حزه قلت له انا لي خصوصيتي محد له حق يتدخل أكيد بيكون عندي مشوار
مثلا بيبي خدامه يقول لي انزين امي بتتحس وانا خائف من هل موظوع شو يخصه معنه امر يخصني
لين سافرت معاه مفتاح غرفتي لازم يعطيه امه احس مالي خصوصيه قال لا تخافين ما بتسرق أغراضج بس بعد الوحدة ما بترت أح والا تحط أغراضها والا شي أكيد بتكون متخوفه حد يشوفها والا يدخلون من وراي مادري هالشي وايد يظايقني
حتى لدرجه البوم عرسي معني راعيته واستحي حد يشوفه قال خليه عند امي مابتاكله معنه امر يخصني وماحب حد يطالع صوري
فغر فتنا يفكر بس يسوي باب للصاله عشان خواته يتجمعون عندي يعني مول مارتاح غرفتي معنه المكان الوحيد اللي أريح فيه وهله أكيد وجابلهم فالصاله في بيتهم خواته لدرجه يدقون علي الباب والصغار يه اعرف استحي أتصرف اوني بس اطلع راسي عشان تفهم ان انا معالي ثياب او مب لابسه معني وماعرف شو ارد عليهم معني مول ماطب غرفهم مرات اكون مريحه والا ولابسه وقميص نوم لكن ريلي مايعرف هالشي كيف يظايقني وان قلت له بفكر اني مآحبهم كيف احط حد له الشي وكيف اقنع وافهم ريلي قلبه مول مب معاي وصعبه اطلع بيت بروحي لدرجه انه يبا يبني في بيتهم
هلا اختي الله يكون فعونج
اولا زوجج ماله ذنب الذنب ذنبهم لان هم لازم يستحون
لشي الثاني نصيحتييي لاتخربين حياتج وفرحتج امه عاشة حياتها وخواته بيزوجن ويعوشون حياتهن فلا تضيعين حياتج وانتي تجاملين او تشيين هم
ترا ريلج بتجي فتره بيقول هاي كله تحن وكله مشاكل فانتي لاتقولين له شي عن اهله دامه يتحاما لاهم جي
اممم بالنسبه للالبوم يوم نادي خواتج او امج واطلبيه من خالتج ع اساس تراوينهم وووعقب لاطلبته او قالت لزوجج قولي عقيته فوق الكبت وصدق حطيه فوق انتي ماتضمنين يمكن حد من اخوانه بالغلط يشوفه واممم وبالنسبه يفتح باب لصاله قولي لا خل كلنا اذا بنقعد نقعد رباعه تحت مايحتاج يقعدون فغرفتج واذا خواته الصغاريه يدقون الباب لاتفتحين لهم وحتى الكبار خليهم يدقون لين تتكسر يدهم وقولي كنت اتسبح واذا عندج بيبي فجيي الباب بقوو وقولي شووو حرامم عليكم قعدتوا الياهل وثاني يوم قوللي لعمتج حرامم خاف تصدقين مانام طول الليل يصيح ووقولي لزووج بعدد بسس مب بهواش ولا بعصبيه قولي لهمم بهدووء عشان مايعاندون وريلج حاولي دووم تلبسين له واييد قصير او مشخلع عسب يستحي يناديهم ووواذا يوم تروحون يحط المفتاح لامه حاولي تجيبي حد يسوي لج اقفال ع كل باب فالكبت وووجدد عيشي حياتج واستانسي هذه احلى سنه من حياتج كرت نكد ومحد داري عنج ولاتخربين ع عمرج واللله يعينج
//
و عليــكم الســـلام و رحمة الله و بركاته..
صبر جميل يالغاليــة و الله المستعــان..
الغاليــة أنا فهمت منج إنج تتمنين الخصوصية بحياتج الزوجيـة سواء كان بالغرفة أو باللبس او بالحركة و غيره..
دام جيـه الحل إن يكون حوار صريح بينج و بين ريلج و يكون عندكم بالنهاية قرار حازم يرضي الطرفين..
لا تقولين ما اقدر اكلمه برد أقولج لا تيأسي حاولي لأن ما في شي مستحيل..
و إذا ما توصلتوا لحل مرضي خلي طرف ثالث يِدَخل بشرط إنه يكون ثقة و فاهم و ما يسبب احراج..
//
يمكن تسمعين حد يقولج " انزين ما فيها شي تخلين مفتاح غرفتج عند أمه يوم تطلعون " أو تسمعين " عادي شو فيها لو حطيتي البومج عند أمه "
هذي انا اعتبرها وجهات نظر و احترمها لكن هالشــي غلط ، لازم من بدايتها تتحاورون بهدوء و بتفاهم و تخبرين ريلج ان هالاشياء لازم تحتفظون فيها بغرفتكم ، عيب تخلون الوالدة تحتفظ لكم بالاشياء خلاص انتوا كبار و فاهمين تحملوا مسؤوليتكم بروحكم عرفتي حبوبه 
//
و اصبري الغالية و بتسكنين ببيت بروحج ، حتى لو كان عندهم بنفس البيت أهم شي تستقلي بمكان 
و حتى لو خبر أمه عن طلعاتكم تحملي لأنكم ساكنين فبيتها لازم تعرف وين سرتوا ( مب من باب الاستئذان قصدي من باب الاحترام )..
ربي يوفقج حبيبتي
كل وحدة تحتاج للخصوصية في حياتها وما تبا حد يدخل فيه بس غالبية الريايل ما يفهمون عسى الله يهديهم انتي خليج قوية ولا تسوين شي على حساب نفسج وصحتج وخليج كول وعادي لا تتضايقين لانه هاي احلى ايام عمرج بس حسبيها صح فهمي ريلج انه انا لي وقت لنفسي ولي وقت لاهلك وخبريهم انه انا هالحزة بس اقعد وياكم ترى انا حرمة وعندي شغلي ودوم امدحي امه وحسسيه انج ميته فيها بس عامليهم بحدود
والله يعينج يارب ولا تاخذين السالفة على انها هم عيشي حياتج
الله يعينج
الله يعينج الغالية ..
والله هو اللى يبا دكتور نفسي مب انتي 