السلام عليكم ورحمة الله وبركاته
الي له باع في المنتديات الي فيها اقسام لمحاربة السمنة أكيد بيعرف منو روح القصيد !
كان لي فتره جداً طويله من 6 الى 7 شهور في منتدى المنتديات وهالقسم
ليلي ونهاري كنت اراكض في الرجيمات والمسابقات
وتوكلت على الله اني ماطلع من القسم الأ بوزن انا ابيه
طولي 169 وكان وزني في 74 كيلو
والحمدلله يلست في قسم السمنة لين نزلت 56 كيلو
القياس تغير من x L الى s و m
الحمدلله كما ينبغي لجلال وجهك وعظيم سلطانك
مشاءالله تبارك الرحمان ولاحول ولاقوة الابالله
تعبت مرضت يتني حساسيه خذت 3 ابر مانساها
لكن صبرت وقلت على الله مايروح التعب
وربكم مايضيع عمل العبد مهما كان
استعنت بالله ثم بإحدى المنتديات يزا الله راعيتها كل الخير
كان هو الطريق السليم الي ركبت درجه
خطوه خطوه لين حققت الهدف
فعلاً الأنسان يجب عليه ان يشكر
والانسان الي مايحمد الناس على عطاياها مايحمد ربه
شكراً من الأعماق لـ هذاك الصرح العامر
شكراً من الأعماق لجميع البنات اليي كانو معايـ
شكراً من الأعماق للمشرفة
شكراً من الأعماق للأخصائيات
شكراً للجميع
شكراً
قصيدة كتبتها قبل اوصل للوزن المطلوب
الله يرحمها من ايام ولا يعيدها
بعض النعم …. على ناسها مصيبه
ولي قلتها صادقه وعندي لكم ثبوت
مير العرب أحوالها …. ياهي غريبه
ياما تلاقي ناس ٍ من المجاعه تموت
وناس ٍ عندها توقف بلع الأكل عيبه
تجيك وتاكل …. بليا عزايـم وكروت
تاكل اصناف الأكل مابه شي تسيبه
وبالأخير تطلب بيبسي دايت وفروت
وناس ٍ لو تبلع ريقها مرتكبه مصيبه!!
مسكين حالها بليا أكل وكنها حوت
وناس لو تاكل اليابس والخضر غريبه
ماتزيد لو في بطنها مصانع بسكوت
بيني وبين الرشاقه خطوات ٍ قريبه
وهدفي اصبح كل بوه هذي البيوت
متى الوزن لي براسي ياعالم اجيبه
ومتى ألبس التنوره القصيره والبوت
ومتى اكشخ بلا ذيك زوايد المريبه ؟
ومتى اتمخطر وكني بالغزال منعوت
يابنات المسابقه الرجيم وش ابي به
رجيمات نجربها طالعه منه ومنه نفوت
به أيام على تمر ولبن اعتكف غصيبه
وبه ايام غير الماي ماذوقه لو به اموت
وايام من خل التفاح انوخز عند الطبيبه
بثلاث أبر واقول بالخاطر فداه ب سكوت
والله يا***** ياني اجيبه او اجيبه
ماعندي خيار ثالث سوى (( الموت ))
أما اني اشوف من حولي وانقهر عيبه
واتمنى واتخيل واتحلم والقلب مكبوت
يمين الله قبل الصيف وانا بنت الذيب ذيـبه
أن ماجبت الوزن ماعاد بهلـ القسم افوت
قلتها وانا روح القصيد وقولي ثقه ادريبه
اجيبه … بعون الله الحي الذي مايموت
الكاتبة : روح القصيد
يوم الجمعه – 25-4-
واقدم هالقصيده من كتاباتي الحصريه بعد ماتخلصت من الوزن الزايد
ولله الحمد وزني فوق الممتاز مشاءالله وتبارك الرحمن ولاحول ولاقوة الا بالله عود لبان ^.+
اهدي القصيــد …… للي له أفضال
ومن زود الفضل …… اخر له سجود
دمع روحي …… مع القصيـد سال
والقلم عاجز …. . ياكود يكتب ياكود
العام جيتكم …… ما طيق أحتمال
اسهر بفكري ومن حولي العالم رقود
كلن بجسمه يتباهى دلع فرح ودلال
الا انا باب الفرح في وجهي مسدود
الفكر سارح … بظنون واحلام وخيال
يوم يغدي الجسم كنه بالرشاقه عود
عزمت اسعى .. لجل ما اتمناه انال
وقلت بعون الله الواحد الأحد المعبود
حياتي ف ذا القسم عباره عن أرتحال
من مسابقه لمسابقه مالي ابد قعود
مرضت وحرمت نفسي لعيون هالفال
أيام وشهور امشي لدرب ماله حدود!
ماذوق الطيب الحمدلـ الله راعية افعال
اقول الكلمه و اوكلها للرب وكلي صمود
ماقول القصيد وبالحرف اتمخطر واختال
لا احمد الله وارتجيه واستغفر م الجحود
ثلاث سبعين من الوزن رطل و ارطال
الى سته وخمسين .. بالرقم محدود
كلن يسمي الله ثم يعزم يكرر المثال
تبارك الرحمان لذي له الخلق سجود
ولاحول ولاقوة الإ بالله الواحد المتعال
الجبار لذي يوجد في الخلق كل مفقود
ربي اجزي … من بنا ذا صرح الحلال
ملك قارون واجعل له مال غير مفنود
واجعل " غصون الجنه " بوجيهم ميال
ولجاهم القبر وسع عليهم ضيق لحود
ويارب ارزق كل من فيه سعت بتجوال
همها من جسم زود اهمالها ممدود !
يسر عليها امرها … يامقلب الأحوال
"يامسخر الجبال تسبح مع نبيك داود"
يارب من له عين يعقبها سقم و عضال !!
اعميه يارب واحفظني من عين الحسود
من الماضي القريب
شعارات كنت اسويها للرجيمات طبعن هي من تصميمي وكانت لمجموعتي
الكاتبة – المصممه : روح القصيد
18- 10 –
ليش الكلام هذا كله !!
الجميع يتهاون بأهمية الأنترنت من هالناحية
مايعرف ان الحاجة هي أم الأختراع
انتي ممكن خلال هالمنتدى وغيره تتخلصين من وزنج
تمشين على الطريق السليم وتتخلصين بشكل صحي من الوزن الزايد
وتكونين على وزن مثالي
الوزن الرشيق مش مجرد شكل !!
ثقه وشكل واناقة وراحه نفسيه وصحـــة
هالشي الجميع لازم يسعى له بأهداف طيبه
محد ينكر من ان اتيينا افكار مب ذاك الزود بنلبس جي ولا جذاك من القصير وغيره
بس تبقى رمسه والانسان بالأخير يحكم ضميره ويحمد ربه الي عطاه
ويصفي نواياه واهدافه عشان يوصل بإذن الله
اختكم روح القصيد – خيال
ما شاء الله عليج مبدعة
الله يحفظج من كل عين ما تصلي عالنبي
والله يقدرنا ونمشي الدرب اللي مشيتيه ونضعف
بس ممكن اسالج سوال
شو الرجيم اللي اتبعتيه وشو الرياضه وكيف كان يومج؟
الف شكر ويعطيج الف عافيه
اختي انتي صدق مبدعة ما شاء الله عليج
وانا بعد ابي انقص ها العشر كيلوات او ال15 كيلو
وابي البس القياس السمول 
ممكن تدليني على رجيمج ورياضتج ……….ان شاء الله يكون سهل
الله يوفقج