رجعت مع ارادتي القويه . . . تحدي العيد ~

شحالكم بنات ،

من زمان ما دخلت و التزمت ههههه أصلا متى التزمت بيوميات . .

بسس هالمرة نااويه نيه على وزني اللي مب طايع ينزل / فقلت ببدا ان شاء الله من الاحد . .

بدايه شهر يديد وبنسى كل الخربطان و التخبيص و ما بتحسف على شي خلاص بديت صفحه يديده مع نفسي و صبري و ارادتي بقويهاا . .

بتكون هالصفحة صفحة خاصة لي ليومياتي لاني أبا أنزل وزني واوصل لهدفي و تكون كل صفحة فيها ايجابيه للغير و ابا اتشجع وتشجعوني . . والسموحه منكن بنات لحد يقول ابا اشترك وياج في هالصفحة حابه تكون صفحتي بسس بمروركم وتشجيعكم . . وان شاء الله نوصل للي نبااه بصحه و سلامة

الشروط اللي بلتزم فيها من خلال شهرين ان شاء الله . . .

و اللي هو بيبدا تاريخ 1 – 6 – 2024 > لين < 27 – 7 – 2024

يعني آخر يوم بكون فيه ملتزمة برياضة و رجيم اللي هو آخر يوم في رمضان إن كنا من الحيين بإذن الله . .

القصد من هالشهرين أني أكثف من الرياضة و ازيد السرعه و اضيف تمارين ثانية . .

و بعد هالشهرين بخلي رياضتي 4 مرات في الاسبوع وبتكون لساعه . .

وبالنسبة للاكل بيكون تخفيف بدون حرمان لاني انا بكثف رياضة و ما ابا احرم نفسي من اكل لاني انا اللي بتعب بالاخير . . بسس بيكون اكلي من اكل البيت طبعا وببتعد عن الدسم . .

والماي بيكون 3 لتر ان شاء الله ..

و بالنسسسبة للوزن بحطه لكم يوم الاحد الفجر ان شاء الله . .

تشجيعكم يهمني خواتي

اليوم ببدا بتخفيف اكل و رياضة و بدايه صحيحه لسبيل الصحة و الرشاقة . .

انا مشكلتي لو انه وزني زيادة بسسس جسسمي مب متكسسسد على بعضه لا يباله شد عشان يتتسساوى في القياسسات و يتساوى ف الشكل أنا مشكلتي الارداف . . لازم اشد على عمري بالرياضة اكثر عشان اشوف نتيجة احلى و نزول اكثر ..

اليوم بدايه جديدة بإذن الله . . واليوم الاول لقياس الوزن لبدايه المشوار . .

اليوم الاحد : 1-6- / اليوم الاول …

الوزن : 92.3
الطول : 158
الهدف الاول : 88
وكل ما احقق هدف بحط هدف ثاني . .

الفجر : مشي ساعه على الجهاز + تمارين الكاريدو نص ساعه . .

الريوق : كوب شاي حليب . .

الغدا : 6 ملاعق برياني ديااي + روب قليل الدسم + فنيان بيبسي . .

بعد الغدا : شغل البيت لين الساعه 5 . . .

المغرب : مشي ع الجهاز نص ساعه + الكاريدو نص ساعه . .

العشا : كوب شوربة خضار

الماي: لترين و نص . .