عندي سؤال حق ربات البيوت( غير الموظفات) فقط
كيف ترتبون وقتكم من الصبح لين وقت الرقاد ويا عيالكم والطبيخ وكل شي …بحيث انه ما ياثر على بو لعيال
كل وحدة تدخل وتخبرنا شو جدولها اليومي
انا عقب العيد بطلع في بيت ايجار …يعني برووووحي ….وااااو شعور بالحرية
ومب عارفة كيف برتب وقتي
انا عندي بنت وولد وما يسيرون المدارس بعدهم
فحبيت اشوفكم شو تسوون عشان نتعلم منكن
اترياكم
انا في بيت ارووحي
وبعده البيبي ما ضوى
وادرس ,,,
وهذا جدولي يا طويلة العمر في غير رمضان ^^
الصبح طبعا رااقده (( ما اصبر عن الرقاد ))
بنش قبل وصول ريلي من الدوام يعني على الضحى ,, وبرتب البيت شغل السرعه يعني جرايد والا صينيه موطايه
وبرش الحجره بالعطر مال الفراش ^^
وبتصله بشوفه جان يبغي ريوق ,, واذا طلب بسويله لين يوصل كدني مخلصه
واذا ما يبى بسير اتسبح وبطلع اكشخ كشخه الضحى لين يوصل البيت
ونصييييييييحه نصيييحه نصيييحه اذا بتطبخين نظفي المواعين اول باول ,, لانج بتتعايزين عنهن خلاف وبيتولفن وبتكرهين تدخلينه المطبخ من يتوصخ
وبتيلس وياااه لين حز الظهر (( واتخبره اذا يبى غدا ,, واذا بغى بسويله ما بغى ترانا متيلسين والا نهذرب والا نلعب والا نطالع افلام ))
الظهر دوامي واخلص العصر ويسير هو يرقد
من ارد نتيلس ,, ويخطف الوقت
وعلى التنظيف والترتيب ,,
تغسيل الملاابس على الاسبوع اغسل واكوي ,, لانه احنا ثنين فما يتكودن الملابس ,,
تنظيف البيت اسبوعيا بعد لنفس السبب احنا ثنين وشو بنوصخ يعني
تنظيف الحمامات ربي يكرمج اخليه مع مسح البيت والمسح يكون عقب تنظيف البيت لاني اهلك وما ارومله كله مره وحده
الدخون يومين لا ويوم هيه ,,
النظافه الشخصيه يوم احيد ريلي مداوم انش من صباح الله خير واخلص شغلاتي اللي ابغي اخلصهن والا اكون متفقه مع راعيات الصوالين على اساس ايني الصبح
والحمدلله ريلي من النوع اللي وااااايد متفهم ^^
فمبردة الراااس وضامنه الوضع
ومبروووكه عليج الحريه ^^
ربي يسعدج الغاليه
مشكووورة حبوبة
ومنكم نستفيد
المشاركة الأصلية كتبت بواسطة نبضي استغفاري 
تسلمين فديتج
والله يسعد الجميع
عقبال ما اطلع بيت روحي يااا رب..
موضوع ناااايس..
نتريا باجي المشاركات..