السلام عليكم
ماما حلمت انها عايزه تغسل السجاد فلقيته مبلول ميه مطره صفره فيه متغرق كله وف حتت بس اللى متغرقه من السجاد فماما بدات تلمه وراحت بيتنا القديم وطلعت ع السطح اللى مربيين عليه طيور فلقيت حمام ابيض كتييييير وصفايح فيها بيض حمام والاوضه التانيه فيها فراخ وبط وحمام صغير والاوض متغرقه ميه مطره فماما فضلت تمسك الحمام الصغير المولود ده ودفى فيه فماما قالت لساميه بنت عمى ينفع كده حسبى الله ونعم الوكيل ف عمك عبسى هو السبب
الرؤيا دى اتكررت معاها تانى مع اختلاف ان سقف بيتنا اللى عايشين فيه حاليا هو اللى مرشح ميه مطره ومستغربه تقول ازاى وفوقينا ناس والمره دى حمام مولود موجود برده ف بلكونه بيتنا اللى عايشين فيه وبرده بتدفيهم وف بطه صغيره ف وسطه لسه مولوده
بيتنا القديد ده بيت ورثه وخرجونا منه بالعافيه ومش اخدنا حقنا فيه بعدل الله وبرده عمى عبسى ده مشى مع الظلم ووقف مع عمى اللى ظلمنا علشان مصلحته وعايز ياخد كل حاجه وفعلا هو اللى اخد البيت ووهو اللى عمى طلعت كتبله ورثه كله واخد كل حاجه وهو اللى كان بيخبى الحقيقه عن عمى طلعت وكرهوا ف بابا وفينا لان عمى طلعت غير متزوج وكان عايش معاه فمسيطر عليه لغايه لمام مات من شهر
وماما الحمد لله ملتزمه دينيا جدااااا
تمت الموافقه
خيرا نتلقاه و شرا نتوقاه
ان صدقت الرؤيا
الرؤيا تبشر الوالده بالنصر ان شاء الله طلما انها فوضت امرها لله
و ربما الوالده عانت كثيرا بسبب هذا الموضع و ان الحمام الصغير هم انتم ابنائها
بذلت الجهد الكبير علي راحه لكم وسيعوضها الله خيرا ان شاء الله
ربما ياتي احد من العائله و يحاول ان يجعلكم تصفحو عن ما حدث و يعطي لكم حقكم
ان شاء الله
والله اعلم