السلام عليكم
أنا أم جديدة وبنتي توها مكملة 10 أيام
كل يوم وأنا دموعي على خدي من خوفي عليها
بغيت أسألكم هل في دكتور أفال رضع أو دكتورة ممكن كلما احتجت اني أكلمها وأنها ترد علي من خلال التلفون؟؟
إذا في ممكن تخبروني منو وكم الرقم؟؟
محد يعرف دكتور أكلمه عالتلفون؟!!
زين بسأل عن دوا اسمه انفاكول ،، شو تعرفون عنه ،، لأنه ريلي سار الصيدلية وخذ منه وانا من كثر ما شفت بنتي تتعذب ومب رايمة حتى ترقد اضطريت أعطيها منه ،، طبعا بعد ما قريت انه طارد للغازات ،، بس بغيت أعرف إذا في وحده مجربة هالدوا ،، كم قطره أعطيها ؟؟ وكم مرة في اليوم ؟؟
اختي مجربينه هذا وايد زين قبل كل رضعه رجي القطره واعطيها اياها
حبييبتي الغالية اذا انتي بنتج تتعصر وايد لاتحاتين فدييتج عادي كل الأطفال جييه وبتم فترة لين اتعق العقة من بطنها لاتخافين هذا امر عادي والانفاكول يريح اليهال قبل الرضعة ودايما دسعيها قبل وعقب الرضعة وفليل قبل لاترقد ادهني بطنها مع مساج خفيف على بطنها وقمطيها عدل ورضعيها طبيعي وان شاء الله بترتاح وانتي بترتاحين ولاتيلسين كل ماحد قالج جربي شي اتجربيلها اتحملي نصيحة لوجه الله ….وبعدين بالنسبة للدكتور عندي رقم الدكتور أحمد اللي في عيادة مطاوع في الشارجة للحالات الطارئة يرد وبينصحج…اذا بغيتي اي سؤال طرشيلي رسالة خاصة واسمحيلي
لا تخافين الغالية … انفاكول وايد زين ويريح اليهال ويخليهم يرقدون … بس حاولي دايما ادلكين بطنها بزيت البيبيات