السلام عليكم خواتي
مبارك عليكم الشهر الفضيل
اللي جربت دكتورة اميرة او تعرفها زين في التعامل و متابعة الحمل و في الولادة لا تبخل علينا بآراءها
ابي اعرف كيف تعاملها و صبرها مع المريضة – هل تستعجل الولادة او هل تستسهل العملية
هل احد سمع أنها سوت خطا طبي قبل
و شكرا
مب مجربتنها
بس في حد يمدحها
جربي ادخلي عندها وشوفي اذا ارتحتي او لا
للرفع
في حد يمدح وفي حد يذمها
وكل وحدة وتجربتها وحالتها في الولادة
والتساهيل كلها من الله
انا ولدتني قيصري بس صبرت علي فترة طويلة وسبحان الله تعسرت ولادتي ..
عالعموم كـ ((تجربة شخصية)) .. ماحبيت تعاملها خلال المراجعات لانها ماتشرح وماتفهمني اي شي ..
تقول كل شي سليم واوكي وخلاص لازم اطلع من عندها …
والوحدة في اول حمل لها بالذات تبغي حد يثقفها يشرحلها او ينبهها علي ابسط الاشيا
كله انا اللي كنت اسأل وانا حتى اطلب الادوية والفيتامينات وتقول اوكي بعطيج لازم تاخذينه!
والعكس عند حميتي .. تمدحها وحابة تعاملها .. يعني الموضوع يعتمد عليج اذا مرتاحة لها او لا
بس الحلو في اميرة خياطتها ممتازة ومرتبة .. وسمعت من الكل هالكلام وفعلا صح
((نصيحة لج))
خذي موعد عندها وجربيها .. وخذي انطباع عنها .. ممكن ترتاحين وممكن لا
وتوكلي على الله
تسلمون و جزاكم الله خير
انا فعلا اتابع عندها – بس مب مرتاحة وايد – هي سريعة و كل شي اوكي عندها و الحمل طبيعي
بس في بعض الدكاترة تدقق في حالتج و يعطونج نصايح و توجيهات واللي تسالج عندج التهاب و لا لأ؟ تحسين بشي غريب ولا لأ؟
المهم بكمل و الله كريم دعواتكم