دجــــــــــــاج مشوي فالفرن مع البطاطس والمشروم اروووووووع شكل وطعم ~

اليوم خواتي يايبة لكم طريقة دياي بالفرن روووووووووووووووووووووووووووعة…تاكلون اصابعكم وراه..وعندي صورة تبين هالشي..الصورة روحها تعبر عن مكنونات صدري

المقادير:

دياي (استخدمت 1000 جررام)
كاتشاب (4 ملاعق)
دبس الرمان (ملعقتين)
صويا صوص ملعقتين)
مايونيز (4 ملاعق)
بهارات عادية ( كمون , فلفل اسود , فلفل احمر , ملح
زيت زيتون ملعقتين
بهارات خدتها من سبنس (الليمون بالتوابل..الثوم بالتوابل..بهار الدجاج لونه برتقالي والغطا احمر..سبايسي هيربز لون الغطا احمر بعد) واذا عندكم هالتوابل من اي ماركة ثانية عادي تستبدلونها بالي ذكرتهم..~
بطاطا ودجز ( الباكيتات الي نشتريها جاهزة من الثلاجة)
مشرووم طازج (الي لونه ابيض وايي في كرتون ازرق احلى شي بالنسبة لي )

الطريقة:
1- اول شي نغسل الدياية عدل نتاكد من نظافتها ..بعدين احطها في ماي افورها لمدة نص ساعة مع هيل..قرفة..ماجي..ملح..فلفل احمر..)
2- نخلط المكونات الي مذكورة فوق كلها الا المشروم والبطاطا الودجز ونحطهم في ملة لين تخلص الدياية..
3- بعد ماتنضى الدياية احطها فالملة الي فيها الصلصلة واقلبها من الصوبين عدل واحشيها شوي بالصلصة نفسها من داخل عشان تتشرب النكهة عدل..~
4- بعدين احط الدياية في بايركس اسود مخصص للفرن وحواليها احط البطاطا ودجز والمشروم وافتح النار من تحت شوي لمدة 20 دقيقة وبعد ماتخلص ال20 دقيقة افتح النار من فوق لمدة 10 دقايق لغرض التحمير فقط..~

ملاحظة… في بنات ممكن يستغنون عن طريقة تفوير الدجاجة ويبدون يشوونها فالفرن وهذا كله يرجع لج انتي شو تحبين بس انا جربت الطريقتين ولاحظت ان لما افور الدياية وعقب احطها فالفرن يطلع طعمها اطرى وارووع من يوم احخليها فالفرن بدون لا افورها…~

والي عندها اي استفسار ممكن تكتبه لي هني فالعام وفالها طيب

بنات الطبخة هذي من تاليفي ومجهودي الشخصي فياريت الي حابة تنقلها تنسبلي حقوقها