خواتي من كانت تعاني من جرثومة المعده وانتفاخ البطن والغازات…..تفيدني
انا من فتره سويت فحص وطلع عندي جرثومة المعدة …..وواقات احس اني مخنوقة وضيقة بالنفس…..وكتمة وقالوا من الجرثومه ومن ارتجاع المرئ والله اوقات ما اقدر انام ….الحمدالله ما عندي ربو…..بس اتجيني مثل الشرقه خاصتا بالليل….مع كحة……وفحوصاتي سليمة والحمدالله…..بس ما ادري ليش اصير لي جية…..
حتى فحوصات القلب سويت….والحمدالله سليم ….قالوا قولون وبعد جرثومة المعده…..واحس بالم اسفل الصدريعني عند المعدة…..واصوات بالبطن لدرجه احسها توصل لين صدري…
من صار لها كذا وتشافت بقدرة الله …..وشو تعالجت؟ وهل المعدة والجرثومه تسوي جية….حتى اوقات احس بلوعه
وسلامتكم
مادري يختي شو اقولج بس انا جيه تييني حالات يعني مثلا اذا كليت شي من برا ولا شي الباقيين ماييهم شي بس انا على طووووور اطيح مريضه الله يعزج ارجع ومعدتي تعورني و اسهال وحالتي حاله تميت وايد جيه لين ما رحت مستشفى الامارات مادري قالي الدكتوور فيه جرثومه بالمعجه واخذومني فحوصات و فحوصات النفس بعد
عقب عطاني ادوية و قالي اون الجرثومه خلاص انتهينا منها بس قالي اون فيج القولون عشان جيه معدتي اتعورني مرات يقولي فيج القولون ومرات يقولي شي ثاني و ها كان قبل 4 سنين وانا على هالحال بعدني ما رحت مسشتفى اتاكد شو بلاها معدتي
يئلمني وايد وقت الصبح لما انش من الرقاد واتريق احيانا والله اقولج من الالم اطيح ماقدر اقاوم الالم
بس الله يعيييين و يشفينا اجمعين يارب
ماعندي خلفيه عن الموضوع
والله يشفيكن خواتي وماتشوفن شر ياارب
حالياً واحد من الاهل مصاب بها .. ويعطونج علاج تستمرين عليه .. وهي فعلاً اعراضها مقاربة للي قلتيه .. وصارت لي قبل فترة طويلة .. واستمرت معاي تقريباً 3 شهور .. وتجيني الام مع حرقة بالمعدة والمرئ .. والسبة هالجرثومة .
راجعي الدكتورة وان شا ءالله خير
خذي ( خيله ) مرة وحدة بس ,, صدقيني انتي والخيير رباااااعه
تبلعينها مثل حبة الدوا مع الماااااااي ..
والله يشافيج لأني عانيت من الجرثومة وقضييت عليها عن طريق الخيله
انا نفس أعراضج بالضبط وبعد أكثر بس ماعرف شو عندي ومن جم يوم سرت مستشفي الخليج في أبوظبي وايد ناس يمدحولي الدكتور مكي وخذ مني فحوصات والنتجه يوم الخميس ان شاء الله وبشوف شو بيقولي وببدا عنده العلاج وان شاء الله يفيدني وتشافي والله حالتي حاله مايمر يوم ومب تعبانه مابقيت شي ماسويته في نفسي وفي النهايه الله الشافي
الله يشفيج ياااااااارب ..
اختي كانت فيها الجرثووم والحمد الله تشافت منها ..
كانت اتيها مثل الاعراض للي ذكرتيها .. ورحات المشتفى وعطووها ادويه ..
وبعد عطوها نظام اكل تتبعه ..
الانه في انواع من الاكل لازم ما تاكلينها خصووصن الحار والبهارات ..
الله يشفيج يارب