مرحبا بنات .. عساكم بصحة وعافية .. المهم الغاليات حبيت اشارككم قصة حملي ..
اول شي تزوجت وتميت سنة ونص اتعالج .. مرة يقولولي التهابات ومرة يقولولي هرمون الحليب مرتفع .. لين ماراجعت دكتورة .. وقالت لي المشكلة من البويضات .. وانه حجمها وايد صغير .. وكتبتلي على كلوميد .. وعلى ابر اخذهم 3 ايام .. المهم عديت موعد الدورة وحملت بس ماكان لي نصيب فيه ..كان الحمل عمره شهرين ..ومات وتم في بطني شهر وعقب الشهر سوولي تنظيف(معاناة) .. الله لايبلي حد
وبعد ماطرحت بشهرين رديت خذيت الابر.. وفي نفس الشهر حملت .. وبعد الله ماراد يتم الحمل وطرحت (بدون تنظيف )
وحسيت انه الابر ما تناسب جسمي .. فغيرت الدكتورة وسرت عند دكتورة ثانية .. وكانت عندي ثالث ايام الدورة .. وجافت لي تحليل هرمون الحليب .. وقالت لي شوي مرتفع .. وجيكت عقب اسبوع حجم البويضات وجافتهم وايد صغار(ياني احباااااااااااط) .. وقالتلي .. الشهر الياي لما تيي الدورة تعاي عسب اضربج ابر تكبر البويضات..المهم بعد ماحبطتني .. شلت فكرة الحمل من راسي هالشهر وكنا في شهر رمضان .. بس كنت كله ادعي ربي انه يرزقني بالذرية .. وانا امتوقعة اني ما بحمل .. وعلى فكرة في فترة التبويض ..ريلي رقد وياي مرة وحدة يمكن بس .. وكنت الحمدلله اكثر من العبادة والدعاء .. وما متوقعة ابد اي حمل .. واتاخرت الدورة .. وانا ماخليت شي ماشربت عسب تنزل الدورة .. بعدين قلت بحلل في البيت احتياط .. وانصدمت لما جفت الخطين .. والله ماصدقت حتى زوجي ماصدق .. وحللنا دم بعد ما مصدقة ..
قلت كيف ؟؟؟؟؟؟؟؟؟؟؟؟؟؟؟ وانا وزوجي مابذلنا مجهود .. ولا ضربت ابار ولا خذيت كلوميد ؟؟؟؟؟؟؟؟؟؟؟
بس انتو تدرون كيف صار الحمل ..كل شي بايد رب العالمين..هو السميع العليم .. اللي يلبي دعوة الداع اذا دعا .. ادعو يابنات ولاتياسو .. واكثرو من الاستغفار والعبادة .. ولاتنسون تدعون حقي الله يشفيني من الكحة .. واربي بالسلامة
الله يثبتلج حملج يارب
ويشفيك ويعافيك
ماشاء الله تبارك الله
الله يتمم عليك حملك .. وعقبالنا ياااااارب
ماشالله … الله يسهل عليج الولاده انشالله ومبروك الحمل
ربي يحفظه ويسهل عليج حمله وولادته…
ربي يسهيل عليج الولاتهـ
ومبرووووووووووووووك
ماشاء الله
الله يتمم حملج ويرزق كل محرووومه