++"(( خبيرات أيطـــــــــــاليا ساعدووووووووونيّ ))"++

.. ألســـــــــــــــــــلام عليكم بناتات ..

ساعدوني يا خبيرات إيطاليا.. أنا أول مرة أسير قولولي شو جوهم بيكون في شهر 12؟

وكيف أقدم على الفيزا؟ أقدم من الحين وإلا قبل ما أسافر بسبوعين؟ وهل بحتاج أسوي فيزا ثانيا إذا طلعت من إيطاليا لفرنسا؟ لأني ما أعرف شو السالفة ما أبغي أسير هناك وأبتلش واضيع وقت عشان سوالف الفيز.. لأني بسير اسبوعين بس.

وخبروني شو الأماكن لي تنصحوني أزورها؟ ووين أقدر أحصل الأماكن لي فيها المحلات الماركات مثل شانيل وغيرها.

بليييييييييييييييييييييز ساعدوني أتريا ردودكم…

(( اللهم اقض حاجتي، انس وحدتي، فرج كربتي،
اجعل لي رفيقا صالحا كي نسبحك كثيراً،
ونذكرك كثيراً، فانت بنا بصيراً))

للرفع

هلا حبوبه ..

بحاول اساعدج باللي اقدر عليه ..

جوهم ف شهر ١٢ باااارد .. و اكيد بيكون فيها ثلوج ..

سيري سفارة ايطاليا او اي دولة اوروبيه ثانيه سوي فيزة الشنغن هالفيزا حق معظم دول اوروبا تقريبا ..

انا مادري انتي وين بتسيرين بالظبط ..

بس اذا بتسيرين ميلانو سيري ساحة الدومو و بتحصلين كل اللي تبينه و شي شارع الماركات أخر ساحة الدومو تقريبا .. نسيت شو اسمه ><

و ترومين تسيرين لوغانو السويسريه .. وايد قريبه من ميلان ..

و السموحه ^^

للرفع

عليكم السلام والرحمه

جوهم سلمج الله شهر 12 اكيد برررررد
الفيزا طلعيها من السفاره الايطاليه وخذيها شنغن اذا تبين تروحين لدول ثانيه نفس الرحله بالسياره او القطار او عن طريق الطياره الداخليه
ولو اطلعينها من وقت يكون احسن احيانا بعض السفارات يتأخرون مع اجراءاتهم المعقده يعني كل مايكون من وقت كل مايكون احسن
الاماكن اللي تستاهل الزياره وايد بس شوفي شو اللي يناسبج اكثر
روما … ميلان… فنيسيا (البندقيه) .. فلورنسا… ونابولي… بولونيا… كومو حلوه بعد
الاحسن انج تختارين المناطق القريبه لبعظها عشان تستغلين الوقت اكثر اذا بالقطار اما بالسياره فعادي لانج بتمرين على كذا منطقه ومنها تستكشفين الاماكن الحلوه
الدومو في ميلان وهاي ساحه معروفه ومشهوره ولاتنسين تاكلين بيزا النابوليه ومن اكلاتهم المشهوره والذيذه الباستا والفوكاتشيا والبيتزا والجيلاتي واللازانيا يم يمييي
وكومو قريبه وايد من ميلان وهاي بحيره رووووووووعه تقريبا نفس بحيرة زيلامسي النمساويه بس بحيرة كومو اكبر وفيها عدة اماكن فيها حوالين البحيره لاتفوتكم البحيره والمكان الرومنسي
واعتقد من ميلان الى فنيسيا بالقطار 3 ساعات اذا ماخابني الظن لاني ناسيه بالضبط كم ساعه
وطبعا فنيسيا مكان رووووووعه وخاصة اذا الجو مطر ومعتدل كله مشي وقوارب عالنهر طبعا ماتتفوت وتكسيهم قارب مش سياره رووعه
وفيها متاحف بالهبل ومتاحفهم خبال رووووعه روووعه شي خيالي
وبالنسبه للسوق بتحصلين وايد في فنيسيا في منطقة Mercerie فيها كل الماركات العالميه..
فيسنسيا
في بيوت اثريه قديمه جدا جدا يسمونها بيوت النحس لانها مصابه باللعنه وكل من سكن فيه اما انه ينتحر او انه يفلس واللي بنا هالبيت اسمه جوفاني داريو وفي جسر اسمه الشيطان وهالكلام من قرون
ويشتهرون بالقطط يعتقدون ان القطط تحرسهم …
ومطاعمهم روووووعه واكثر شي الاكلات البحريه يتفنون فيها
لاتنسين تروحين الاماكن الحلوه فيها واغلبها قديمه واثريه وصارت مشهوره
ساحة سان ماركو … ساحه سان بولو… سجن كازانوفا.. شارع الرئيسي غراند كانال معروف بحرف s
قصر الحكم القديم… شارع الشيطان ((مافكر ولا بفكر اروحه)) الله يكفينه شره هالمكان للقلوب القويه واللي يحبون المغامرات الجنونيه
والحلو في اوروبا انج ماراح تضيعين مرتبين كل شي من الشوارع الى اماكن الترفيه والاسواق وكل شي وتحصلين كل شي في المطار من مجلات او بروشرات وهم تحصلين مكتب المعلومات Information Office في كل بقعه عند محطات الباصات او القطار
واسمحيلي هاللي اعرفه ويحضرني حاليا وان شاءالله اذا تذكرت شي ثاني برجع للموضوع
وقت صلاه احين واي استفسار حاضرين للطيبين

مشكوييييييييييييييييييييييين ^_^

بصراحة كفيتو ووفيتو… على الله أحفظ هالأماكن كلها هههههههه وأكيد في أكثر بس أعتقد وايد علي أحفظ كم شغله وأتفلسف فيها عليهم فالبيت خخخخخخخ

تسلمون حبيباتي ^_^

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.