حبيباتي .. منو عندها طريقة سهلة لعمل حلا التراميسو ؟
في خااااااااااااطري اسويه ..
حد يساعدني . ؟؟
اختي دشي قسم الطبخ في وحده امنزله الخطوات..
تراه دورت ما حصلت الموضوع ..!!
اذا حد عندها الرابط بليز تحطه هنا ..
للرفع
هلا حبيبتى انا طبقت طريقه الاخت ميارى تقدرين اسوين سيرج فى النت وبيطلع لج
وطريقتها وايد سهله اول شى اتيبين بسكويت الخاص بالتيراميسووو وتخلطين بالخلاط حبتين قشطه وكيسين دريم ويب وشويه فانيليا وثلاث ملاعق حليب مركز (ملعقه طعام) و6 حبات جبن كيرى وانا اضيف له شوى حليب وتتركينه على جنب بعدين اتيبين البايركس وتغمسين البسكويت غمسه خفيفه اوو نسيت اقولج اجهزين ماى وفيه شوى نسكافيه وشوى سكر وتغمسينه فيه غمسه خفيفه من الجنبيبن وتحطين طبقه البسكويت وبعدها طبقه اللى جهزتيها وتكون تقريبا طبقتين بسكويت وطبقتين من خلطه القشطه والدريم ويب واخر شى تنثرين كاكاو بودر على اخر طبقه واسمحيلى على الاطاله
بعطيج طريقة وااااااايد سهلة انا دووم اسويها وكل من يطعمها يحسبني وايد تعبت فيها :
المقادير :
بسكوت التراميسو 2 باكيت
2 قشطة
نص حليب مكثف
جبنة ماسكربوني … او عادي استبدليها بفيلادليفا الكبيرة
كل المقادير السابقة في الخلاط لما تمتزج تماما
و لتشربيت البسكويت :
3 ملعقة كبيرة كاكاو
3 ملعقة سكر
2 ملعقة نسكافية
كوبين ماء
تذوبي الكاكاو والسكر في ماء دافيء لما تحصلي على مشروب كاكاو تشربين فيه البسكويت
اولا:
تغمسين البسكويت في مشروب الكاكاو وترصينه طبقة في صحن بايركس
ثانيا :
تحطين نصف خليط الفيلاديفيا فوق البسكوت (الخليط الى سويته قبل)
ثالثا:
تسوين طبقة ثانية من البسكويت المغمس في الكاكاو
رابعا:
تحطين باقي مقدار خليط الفيلاديفيا
خامسا:
تخليط دريم ويب (كمية متوسطة للتزين ) وتحطينها فوق طبقة الفيلاديفيا
سادسا:
ترشين كاكاو ونسكافية على الوجه
وتحطينها في الثلاجة لما تبرد