السلام عليكم ورحمة الله
حبوبات حابة اشاوركم في هالموضوع
نتيجة اسراف الشغالات اللي اشتغلن عندي في أغراض المطبخ
واستهلاكهم لأنواع كثيرة من الأطعمة نحن أصحاب البيت ما نستخدمها شراتهم
ولا ناكل كثرهم وكل ما قلتلهم وين الشغلة الفلانية قالولي اليهال كلوها
في حين انه اليهال صغارية مستحيل ياكلون هالشغلات اللي يطرونها
مما اضطر إن ميزانيتنا زادت وايد على مشتريات الجمعية
فقررت إن شاء الله إني أخلي ثلاجة خاصة فينا وثلاجة خاصة بالشغالات
عسب ما تصير فوضى عندي في البيت
فطبعا ماأريد أظلم الشغالات وحابة أوفرلهم الأكل اللي يستحقونه
وبالذات انهن يشتغلن من الصبح لين في الليل
فشو الأغراض اللي أشتريها لهم عادي وشو الأغراض اللي لو خذتها لهم تعتبر نوع من البطرة والدلع؟؟
أريد اكون معتدلة معاهم لا إسراف ولا ظلم
وسط يعني
مثال لأطعمة الخادمات اللي لازم أوفرها لهم :
البيض
الأندومي
الخضار لطبخ أكلاتهم المفضلة
الودام ( دياي ، لحم، سمك ) أعطيهم كل يوم بيومه عسب ما يلعبن بالنعمة
الخبز والصمون
النقانق
جبن
الفواكه ( نحن نشتريهااسبوعيا فأحطلهم صحن فيه من كل الأنواع واقوللهم هذا حق الإسبوع كله )
هذا اللي عندي الحينه
أتمنى تساعدني عسب أحد من اسرافهن و ما أظلمهن بنفس الوقت
خبروني شو تشترون لشغالاتكم أو شو الأكل اللي عادي تخلونه بين ايديهم ومش مشكلة لو لعبوا واسرفوا فيه
أترياكن
نحن الصراحه انخليهم ياكلون من اكلنا عادي صحيح انهم يخلصونه بسرعه بس شو انسوي لانهم يشتغلون ومافينا يشكون ويقولون نحن مانعطيهم
المشاركة الأصلية كتبت بواسطة بنوته راك 
مشكورة غناتي على المرور
بس حبيت أوضح إنه الوجبات الرئيسية هم ياكلون شراتنا حتى أغرفلهم من الجدر قبل لا اغرف لعمرنا
بس قصدي انا السناكس و الخفايف اللي بين الوجبات
وأيضا أٌقصد المرات اللي هم يتبطرون فيه على أكلنا ويقوولن يريديون يطبخون طباخ بلادهم
فشو اهيه الشغلات اللي تخص طباخهم بروحهم وعادي لو خذيتها لهم
للرفع
ماشي غير الاندومي هالي اشوفه في خدماتنا ياكلونه
بالنسبه لي ماتفرق تاكل كثر ماتحب ما ادقق عالأكل ..واقوللها سوي حق عمرج إذا كانت يوعانه ..وإذا يبنا شي من برع نحطلها قبل لا نهبش الأكل ..
وهي بروحها تاخذ لعمرها مرات اشيا مثل المكسرات وحلويات بلادها ..
يمكن أنا مب حاسه بأي مشكله لأنه وحده فمهما خذت مايبين ..
الله يعينج ..
هلا حبوبات
ومشكورات على المرور
وبخصوص الشغالات ترىالشغالة اللي اتييج قانعة وترضى تاكل معاج من اكل البيت هذي نعمة
لكن مشكلة لما اتييج وحدة تحط عينها على أكل اليهال
أو تتبطر على اكل البيت وتريد تطبخ طباخ بلادهم
وذا خليتيهم ما رحموج وخلصوا مونة البيت كله على طباخهم
ثنتين يوني ما شاء الله عليهم ياكلون الأخضر واليابس
الله يكفينا شرهم ويبعد عنا هالأشكال