ما عليج شر انشالله
لا تستعيلين الراس بينزل انشالله ف الثامن .. بس انتي امشي واايد
ما عليج من كلام الدكتورة يعظمون الشي تراهم ويخوفون الوحدة بدون سبب
على الله لين التاسع بعدج ماشاء الله .. اتصبري و امشي وايد واظني احبي نفس الياهل عسب الياهل ينزل انشالله بتتسهل ولادتج ا لغالية ..
كيف اتحدد من الحين انج بتربين قيصري ؟؟ وانتي توج فالسابع
صح حتى انا سمعت ممكن راس البيبي ينزل تحت في الثامن ؟؟
غريبة؟؟
ان شالله اللي عندهم خبرة يفيدونج ^^
مو صحيح هالكلام ،،، العلم بيد رب العالمين
الغاليه مرة اخوي العود الين ما ياها الطلق وراس ولدها فديته مب تحت وسبحان الله كلها تساهيل من عند رب العالمين روحه نزل وربت طبيعي ،،،
وانا عندج كل بناتي يكون الراس تحت من السادس ويقولون بتربين قبل موعدج نهاية السابع ،،، والحمد لله كله اعدي موعدي بأيام واربي طبيعي الحمد لله
احس الزهراء صاير كله بزنس ببزنس حتى كروت التأمين ما قاموا يتحملون كل المصاريف 30% لازم انتي تتحملين والسبه انه دبل اسعاره ،،،
أن شاء الله بتربين طبيعي
خوفتينيي 
أنا أتابع مع أميرة و أنا في السابع! أنا مرتاحة معاها بس مشكلتها يا دوب تتكلم، لا أعطتني نصائح و لا شي، بس تقولي ازايك؟ اتفضلي عل ultrasound… و أنا محتاجة نصائح لانه أول حمل لي! الله يعينج حبيبتي
انا اتابع عند دكتورة نفيسه والحمد لله مرتاحه لها وايد والحمد لله ربيت عندها الحين مرتين والحمد لله الله سهلها علي والله وايد تساعد … الله يوفقها ويطول بعمرها بصراحه تعاملها واايد زين
الحمدلله والصلاة والسلام على رسول الله….
للرفع ..
و عيبها الثاني ان حزة الولاده .. ما تكون عندج الا يوم بيقولوها خلاص تعالي الحرمه بتربي
يعني قبل ما تربين ب ربع ساعه بتلقينها جدامج
مب مثل نفيسه ماشااااء الله عليها .. من اطلع من البيت و اتصل فيها تكون موجوده
و مزهبه الغرف و كل شي .. و تم ع راسج في الولاده لين ما تربين بالسلامه
و عشان موضوع راس البيبي فوق .. اذا ما نزل لين التاسع اكيييد تحتاجين عمليه قيصريه
اعرف وحده يايبه 4 ماشاء الله و كلهم طبيعي بس اخر بيبي كان راسه فوق و سولها عمليه
و عندج دكتوره زينب الشنار .. اتصلي فيها و خبريها عن حالتج و هي بتقولج .
لانه ماشاء الله تعرف تعدل وضعيه البيبي .. بس لا تترين لين ما تدخلين التاسع
و الله يهون عليج حبيبتي لا تحاتين