سلام عليكم ورحمة الله وبركاته
خواتي انا حابه نشجع بعض في هالموضوع عشان ناكل اكل صحي طول فتره الحمل بعيد عن الحلويات والمشروبات الغازية والمقليات عشان نحافظ على وزن مثالي ونربي بالسلامه ان شاء الله ونحن مب زايدين غير وزن الطبيعي للحامل
اولا شي نحتاج الاراده القويه والصبر والتشجيع والمثابره
منو بتنضم معاي للقروب 
عشان نبتدي التحدي 
والله اتمنى وزني ما يزيد في هذا الحمل على العلم انه اكلي صاير وايد صحي وبعيد عن النشويات
واكل خبز اسمر والعشا سلطات
بس وزني للحين زاد عشر كيلو وانا الحين في الشهر الخامس
على العلم في الحملين الاولين كان وزني وقت الولاده بزياده ٢٠ -٢٢ كيلو
اتوقع هذي هرمونات الحمل تأثر في الوزن وتختلف من حرمه للثانيه
انا وياكم طبعا نفس حالتج ليندا اول حمل 30 كيلو >< هههه كنت بططططه
ثاني حمل اقل عن 20 كيلو
وهالحمل ان شاء الله يااااااااااااااااااااااااااااااااااااااااااااااااا ااارب ما ازيد عن 10 كيلو يارب يارب يارب
ان شالله بنحاول ناكل اكل صحي مع انه مرات يكون خاطري ف ماكدونالز الوجبات اليديده !!
الحمدلله حملي الاول زدت 7-8 كيلو ^^ بس كنت وايد وايد اتعب من الوحام ..
اذكر كنت توني داشة الثامن و فالدوام وحده ف اتش ار ماتعرف اني حامل لان موووووووووووووووووووول ماشي كرش ،، و انا جدام عينها واقفه،، وحده تعفني قالت لي اكلي عدل لج و لولدج انجلطت الحرمه اني حامل لا و فالثامن خخخخخخخ
المهم انا اتوقع ان الحريم اللي يتعبن فالحمل ما يزيدون وايد وزن لان كله يروح فالترجيع و اللوعه ووو
اما اللي ما تييهم اعراض الوحام يزيدون وزن شرات بنات عمي يزيدون 25 كيلوو
صح معلومتي و لا خطأ يا كروشات ..؟؟
أحس على حسب طبيعة جسم الوحدة ،،وحدة من الاهل في كل حملاتها تزيد ماشاء الله فوق العشرين بس في حملها الأخير نفس وزنها ماتغير مع إنه وحامها يكون
ن عادي
هلا خواتي شكرا على مروركن الكريم ، انا سألت دكتوره التغذيه قالت اهم شي في نظام التغذيه التركيز على شرب كوبين من الماء قبل كل وجبه وشرب كوب من الشاي الاخضر مرتين في اليوم والتركيز على المشاوي من البروتين والسلطات والاجبان والالبان والحليب قليل الدسم والابتعاد من المشروبات الغازية والمقليات والحلويات والشيبس والنشويات وواذا تاكلي فقط الخبز الاسمر ويفضل بعد عدم الاكثار منه
اناكمان معاكم دااول حمل ليه وفى الشهرالتانى وزدت 4كيلو صعقت وزعلت جدا مش عارفه اعمل ايه وفعلا عشان مافى وحام اعتقد زدت بسرعه