ابي طريقة حلوى الجزر يابنات بس يكون حلو مثل مطعم البر والبحر
وجزاكم الله خير
وين الفنانات معقوله ما يعرفون حلوى الجزر
السلام عليكم ورحمة الله وبركاته
شوفي اختي انا لقيت هذه المقادير بالنت وان شاء الله تظبط معك
حلى الجزر
3كاسات جزر مبشور
علبة قشطه
كاس سكر
كاس بسكويت مطحون
الطريقه:
يوضع الجزر مع السكر على نار هادئه جدا مدة نصف ساعه تقريبا ويحرك بين الحين والاخر وبعدما يبرد يضاف اليه البسكويت والقشطه ويكور ويوضع في اوراق الحلى ويقدم
طريقه اخرى لتقديم هذا الحلى
ممكن انك تجيبي القوالب حقت الثلج او قوالب اخرى مزخرفه وتحطين كور الحلى في القوالب وتقلبيها في الصحن وتحطين على كل وحده حبة فستق
وهذا من منتدى ثاني
كاس جزر مبشور: كأس بسكوت شاى مطحون: كأس سكر: جوز هند
يذوب السكر على نار هادئه واذا ذاب يضاف له الجزر ويحرك بقوه اذا تجانس يضاف له البسكوت ويحرك يترك قليلا ثم يبعد عن النار بعدما يبرد قليلا يؤخذ قطع صغااار وتور باليد وتغمس في جوز الهند من جميع الجهات
أنا كنت أسويها قبل… وعلى فكرة ترا هاي الحلوى هنديه..
المهم ني للطريقه..
كنت أبشر الجزر… وأحطه في جدر… وأصب فيه حليب فرش أو حليب نيدو (كيفج)..
وتحطين شكر (بكيفج).. وتخلينه يفور او لين ماتحسين ان الحليب بدا يخف..
واذا تبين حطي خاشوقتين قشطه فالجدر (كيفج)..
وبسسسسس (كيفج) خخخخخخخ
ان شاءالله تعيبج طريقتي السهله 
الاخت مريم و الاخت علاية ما قصروا
يعطيهم الف عافية
الله يعطيكم الف عافية وبجربها وبخبركم اي وحده احلى طريقة
تسلمون يا بنات المنتدى