عزيزاتي
انا بحاول افيدكن قدر الامكان واعطيكن حلول لتساقط الشعر انا شخصيا و الوالده مجربينها ^_^
تساقط الشعر ينرفز و يخوف وااايد وااايد 
انا كنت ارتعب من اشوف خصل شعري في ايدي ولا فالمشط
و مستحيل احط قطرة زيت و او احني شعري 
لاني ما اتحمل ريحة الحنا وتلوع جبدي من اغسلها و لا احب الزيت يوم اغسله ملمسة يلوع بالجبد 
==
اول شي و اول حل جذري
فحص الدم : عشان تشوفين مستوى مخزون الحديد عندج ركزي الحديد مب الهيموجلوبين
تعرفين ليش ؟
كان ما شاء الله دمي دوووم 11 او 11 ونص
لاكن يوم سوولي فحص دم دقيق لقوا انه مخزون الحديد فالحضيض
2 من 40 !!!
يعني انميا حديد حااده
ثانيا : فحص المبايض والهرمونات : التكيسات ولخبطت الهرمونات تسبب تساقط الشعر
كان هذا سبب تسااقط شعر الوالده الله يحفظها
هذي هي مصادر مشاكل الشعر من الداخل
طبعا الحل علاج هالمشاكل من الجذور : مكملات غذاية ( حبوب الحديد ) وعلاج الهرمونات و التكيسات
اشربي كل يوم عالريق عصير جرجير مركز و لان طعمه مب حلو اشربي وراه على طول عصير ليمون او برتقال
عن تجربه روووعه و انا لاحظت الفرق من اول اسبوع
خلاصة الزعتر البري ( ماي الزعتر المركز ) بعد الحمام ادعكي فروة راسج بماي الزعتر
الوالده مطبقه النظام هذا حاليا هي و اختي و ما شاء الله فعلا وقف التساقط
و اخر الليمون و الثوم لعلاج القشره و الحكه لانه من مسببات تساقط الشعر باستمرار
قبل لا تغسلين شعرج ادعكي فروة راسج بنص ليمون و فص ثوم
خليه ساعه لساعتين واغسليه
===
بالتوفيق بنات ^_^
مشكووووره و يزاج الله خير
مشكورة حبيبتي عالنصائح
ترى مافي احلى من تجارب الوالدة
هم الخيروالبركة ربي يحفظهم
مشكوووووووووووووووووووووره
اويييه في وايد اشيااء ما كنت اعرفهاا بصراحه عن سبب تساقط الشعر
ع العموووم يعطيج العافيه ع الطرح بصراحه افدتيني
والله يخليلج الوالده واختج ^^
طبعا الاسباب يمكن محلية ولا داخلية كفقر الدم
وانا الي ينفعن يوايد بالتساقط زيت القطران الرقيق وحتى ماء البصل والثوم يوم تفركينه على فروة شعرج
سبحان الله صج الواحد يكشف الاسباااب الدااخليه ونقص الدم والحديد واااايد مهم لنمو الشعرر